ئه‌بو ریشه دخوازیت وه‌زیرێ به‌ره‌ڤانیا عیراقێ سۆلتان هاشم بهێته ئازاد كرن
ئه‌ڤرۆ نیۆز:
سه‌رۆكێ سه‌حوێن عیراقێ ئه‌حمه‌د ئه‌بۆ ریشه خوسات بۆ بزاڤكرنا ئاشتیا نیشتیمانیا عیراقێ دڤێت وه‌زیرێ به‌ره‌ڤانیا به‌رێ یێ عیراقێ سۆلتان هاشم بهێته ئازادكرن و دو به‌ربژارێن بێ ئالى بۆ پۆستێن ناڤخویى و به‌رڤانیا عیراقێ بهێنه به‌ربژاركرن.
ئه‌بۆ ریشه هه‌روه‌سا گۆت: وه‌كێ نیاز پاكیه‌ك بۆ ئاشتیا نیشتیمانى ئه‌م داخوازا ئازادكرنا سۆلتان هاشم وه‌زیرێ به‌ره‌ڤانیا به‌رێ یێ عیراقێ دكه‌ین، ئه‌ڤ داخویانیه ئه‌بۆ ریشه‌ى ل مالا سه‌رۆكێ جڤاتا نوونه‌رێن عیراقێ سه‌لیم جبورى راگه‌هاندن، ب ئاماده‌بوونا سه‌رۆك هۆزێن پارێزگه‌ها ئه‌نبار و سه‌ركردێن ئێمناهیێ و جێگرێ پارێزگه‌هاێ جاسم محه‌مه‌د و سه‌رۆكێ جڤاتا پارێزگه‌هێ سه‌باح كرحوت.
هه‌روه‌سا ئه‌بۆ ریشه‌ى داخوازا 100 تانكێن له‌شكرێ بۆ پارێزگه‌ها ئه‌نبار كرن بۆ به‌رسینكگرتنا داعشێ، زێده‌بارى ئه‌نجامدانا پرۆسه‌كا به‌رفره‌ه بۆ ژناڤبرنا داعشێ ل مووسل و ئه‌نبار و پێكئینانا زێره‌ڤانێن نیشتیمانى و داخوازكرنا خوه‌به‌خشان بۆ دانانا هێڤێنێ له‌شكرى یێ عیراقێ و هنارتنا وان بۆ ژده‌ڤه‌ى عیراقێ بۆ ئه‌نجامدانا مه‌شق و راهێنانێن له‌شكرى.
