ئه‌ردوگان دێ سه‌ره‌دانا ئامه‌د و وانێ كه‌ت
ئه‌ڤرۆ نيوز:
سه‌رۆك كۆمارێ توركيا راگه‌هاند كو ئه‌وان چو كێشه ل گه‌ل كوردان نينن و د به‌رنامێ وى دايه سه‌ره‌دانا ئامه‌د و وانێ بكه‌ت.
ره‌جه‌ب ته‌يب ئه‌ردوگان سه‌رۆك كۆمارێ توركيا د به‌رنامه‌كێ تله‌ڤزيۆنى دا ده‌رباره‌ى راستڤه‌كرنا دستوورى و ئه‌و گوهۆڕينێن هه‌ين به‌رسڤا چه‌ند پرسياران دا و گۆت: “هندى وێڤه‌تره ده‌نگێن به‌لێ زێده‌تر لێ دهێن و رۆژ بۆ رۆژێ پتر هه‌ست پێ دهێته كرن”.
گۆتژى: “ئه‌م بزاڤێن كۆمكرنا زێده‌ترين ده‌نگان دكه‌ين و مه دڤێت ده‌نگێن به‌لێ د سه‌ر 60%ێ دابن، هه‌كه رێژه يا كێم ژى بوو، يان راپرسى ب وى ره‌نگى نه‌بوو يا چاڤه‌رێ دكه‌ين، چو قه‌يران دروست نابن، چونكو حوكمه‌ت د كارێ خوه دا يا به‌رده‌وامه، ئه‌و نينه بێژين يا ل سه‌ر ڤى بابه‌تى راوه‌ستيايى”.
ده‌رباره‌ى سه‌ره‌ده‌ريا وى ل گه‌ل كوردێن باكوورێ كوردستانێ گۆت: “مه چو كێشه‌يه‌ك ل گه‌ل كوردان نينه. سه‌رۆك وه‌زير ئه‌ڤرۆ ل باتمانێ بوو. د به‌رنامێ من ژى دا هه‌يه سه‌ره‌دانا دياربه‌كر و وانێ بكه‌م”.
