ئه‌ردوگان نيازێن خوه ئاشكرا دكه‌ت
ئه‌ڤرۆ نیوز، ڤه‌ده‌ر سوبحى
ره‌جه‌ب ته‌یب ئه‌ردوگان سه‌رۆكی توركیا ئه‌و ره‌خنه ب بێ بنه‌ما ده‌رخستن یێن دبێژن كو ئه‌و بزاڤان دكه‌ت ببیته سۆلتان به‌لكو وی دڤێت پتر وه‌ك شاهژنا بریتانیا بیت ئێلیزابێسا دویێ.
ئه‌ردوكان ئاماژه دا وی یه‌كێ كو ئه‌و سیسته‌مێ ئه‌و بۆ توركیا دخوازیت وه‌ك ده‌ستورێ شاهانه یێ بریتانیا یه كو یێ نیڤ سه‌رۆكایه‌تیه و كه‌سا سه‌ره‌كی د ده‌وله‌تی دا شاهژنا وی وه‌لاتی یه.
ئه‌دوگان بۆ كه‌نالێ (ته‌ره‌ته) یێ توركی گۆت: هه‌تا وه‌لاتێ برازیل و ئه‌مریكا و كۆریا باشور سیسته‌مێ ته‌مام سه‌رۆكایه‌تی یه ئه‌ڤجا بۆچی هزره‌كا بڤی ره‌نگی بۆ توركیا دژی دیموكراسیێ بیت؟
گه‌له‌ك ئالیان بتایبه‌ت ئۆپۆزسیونا توركی ئه‌ردوگان تومه‌تباركربوو كو پێكولێن كومڤه‌كرنا هێزا سولتانا بۆ خوه دكه‌ت پشتی ده‌ستهه‌لاتێن سه‌رۆك كۆماریێ به‌رفره‌هكرین و بڤێ یه‌كی دیموكراسیا توركیا ئێخستیه به‌ر مه‌ترسیێ.
