ئه‌ردوگان: هێرشێن دژى په‌كه‌كێ دهێنه كرن ب رازیبوونا سه‌رۆكێ عیراقێ یه
ئه‌ڤرۆنیۆز، ئه‌یاد به‌روارى
سه‌رۆكێ توركیا راگه‌هاند، هێرشێن دهێنه كرن دژى چه‌كدارێن پارتا كاركه‌رێن كوردستانێ ل (باكوورێ عیراقێ) د قانوونی نه و ب رازیبوونا سه‌رۆكێ عیراقێ یێن هاتینه ئه‌نجامدان.
سایتێ (توركیا پۆست) ژ رۆژناما (یه‌نی شه‌فه‌ق) یا توركی به‌لاڤكریه كو سه‌رۆكێ توركی ره‌جه‌ب ته‌یب ئه‌ردۆگان راگه‌هاندیه “چو پێنگاڤێن به‌ره‌ڤ پاش ناهێنه هاڤێتن و ئه‌و هێرشێن ئه‌سمانی یێن ژلایێ هێزێن توركی دژى چه‌كدارێن پارتیا كاركه‌رێن كوردستانێ (په‌كه‌كه) ل ( باكوورێ عیراقێ) دهێنه ئه‌نجامدان، هه‌موو دچنه د چارچۆڤێن قانوونی یێن دانپێدان كری دا، ئه‌و هێرشێن دهێنه ئه‌نجامدان ژى ب رازیبوونا سه‌رۆكێ عیراقێ و ئاگه‌هداریا هێزێن ناتۆ یه.
ئه‌ڤرۆ نیۆز بزاڤكر داخۆیانیه‌كێ ل دۆر ڤی بابه‌تی ژ په‌یڤدارێ سه‌رۆكێ عیراقێ وه‌رگریت، لێ په‌یوه‌ندی یا به‌رده‌ست نه‌بوو.
