ئه‌ردۆگانی كوردێن باكوور توره كرن
ئه‌ڤرۆ نیۆز، هۆشه‌نگ تاجر:
سه‌رۆك كۆمارێ توركیا ره‌جه‌ب ته‌یب ئه‌ردۆگان ل باژارێ ئه‌نقه‌ره یێ توركیا د كۆمبوونه‌كێ دا ئاخڤی و دیار كر كو ئێدی ل توركیا پرسا كوردی نه‌مایه، نها توركه‌ك ل توركیا چ مافێ خوه هه‌بیت كورده‌كێ ژی هه‌مان ماف هه‌یه و ئێدی نابیت كه‌س به‌حسێ مافێ كوردان بكه‌ت و یێن كو ڤێ یه‌كێ دكه‌ن ژی مه‌ره‌ما وان ئه‌وه كو توركیا پارچه بكه‌ن و ئه‌م ڤێ یه‌كێ قه‌بوول ناكه‌ین.
پشتی ڤێ داخۆیانیا ئه‌ردۆگانی ب ده‌هان ئه‌ندامێن كورد ل په‌رله‌مانێ توركیا و ب سه‌دان كه‌سایه‌تیێن سیاسى یێن كورد ل باكورێ كوردستانێ ب رێیێن جودا جودا دژبه‌ریا خوه ل هه‌مبه‌ر هه‌لویستێ ئه‌ردۆگانی دیار كرن و راگه‌هاندن كو زمانێ ئه‌ردۆگانی یێ چاره‌سه‌ریێ نینه و ب ڤی زمانی ئاشتی ل توركیا بنه‌جه نابیت.
