ئه‌ردۆگان دانپێدانێ ب كه‌فتنا فرۆكه‌كا توركى دكه‌ت
ئه‌ڤرۆنيوز:
سه‌رۆكێ توركيا، ره‌جه‌ب ته‌يب ئه‌ردۆگان، كه‌فتنا هه‌ليكۆبتره‌كا له‌شكرێ توركى ل عفرينێ يا ب سه‌ر پارێزگه‌ها حه‌له‌ب يا سوورى ڤه پشت راستكر.
ئه‌ردوگانى دپه‌يڤه‌كێ دا ئه‌ڤرۆ شه‌مبيێ 10/2/2018 ل كۆمبوونه‌كا لقا حزبا خوه (داد وگه‌شه‌پێدان) ل باژێرێ ستانبولێ، راگه‌هاند، فرۆكه‌كا له‌شكرێ توركى ژ جۆرێ هه‌ليكوبته‌ر ل پرۆسا (تايێ زه‌يتونێ) ل عه‌فرينێ كه‌فته خوار وگه‌فێن به‌رسڤه‌كا توند ل كه‌سێن ئه‌و فرۆكه خستيه خوار.
هێزێن يه‌په‌كێ، كو بالێ له‌شكريێ حزبا ئێكه‌تيا ديموكراتى يه (په‌يه‌دێ)، ئه‌ڤرۆ به‌لاڤكربوو كو وان هه‌ليكوپتره‌كا له‌شكرێ توركى ل گوندێ (قوده) يێ ب سه‌ر ناحيا (راجۆ) ڤه ل عفرينێ خستيه خوار كو 16 سه‌رباز تێدابوون وهه‌موو هاتينه كوشتن.
ژلايێ خوه‌ڤه سه‌رۆك وه‌زيرێن توركيا، بنالى يه‌لدرم راگه‌هاند كو چو ئاماژه نينن كو ئه‌و فرۆكه يا هاتيه خستن، ديسا دياركر كو تنێ دو فرۆكه‌ڤانێن وێ يێن هاتينه كوشتن.
