ئه‌سيل نوجێفى:نه‌ينه‌وا سه‌قامگير نابيت هه‌كه نه‌بيته هه‌رێمه‌كا فيدرال
ئه‌ڤرۆ نيوز:
پارێزگارێ به‌رێ يێ نه‌ينه‌وا د دياره‌كێ دا بۆ رووداو به‌حس ل ريفراندۆمێ و پارڤه‌كرنا پارێزگه‌ها نه‌ينه‌وا بۆ چه‌ند پارێزگه‌ها دده‌ت.
ئه‌سيل نوجێفى پارێزگارێ به‌رێ يێ نه‌ينه‌وا د ديداره‌كێ دا دده‌ته دياركرن كو نه‌ينه‌وا سه‌قامگير نابيت، هه‌كه نه‌بيته هه‌رێمه‌كا فيدرال، من پێشنياز كريه كو پێنج هه‌تا 8 پارێزگه‌هان ژێ بهێنه دروستكرن ب گۆره‌يى تايبه‌تمه‌نديا پێكهاتێن وێ، ئه‌م دڤێت ب دانوستاندنا ناڤبه‌را پێكهاتان ئه‌ڤێ پرسێ ئێكلا بكه‌ين، ماف و ده‌ستكه‌فتێن هه‌ر پێكهاته‌كى د پاراستى بن، بۆ نمۆنه شنگال ببيته پارێزگه‌هه‌كه و زۆممار و ره‌بيعه ببنه پارێزگه‌هه‌ك و پارێزگه‌هه‌ك ل تله‌عفه‌ر و ب ڤى ره‌نگى.
ل دۆر وێ چه‌ندێ كا هه‌لويستێ وان ل سه‌ر وان ده‌ڤه‌رێن ده‌رڤه‌يى ئيدارا هه‌رێما كوردستانێ يێن سنورێ پارێزگه‌ها نه‌ينه‌وا يێن كو دێ ريفراندۆم لێ هێته ئه‌نجام دان چيه، نوجێفى گۆت: “ده‌ڤه‌ر تووشى وێرانكاريه‌كا مه‌زن بوويه، پێدڤيه ئه‌ڤ پرسه ب رێيا دانوستاندنێ د ناڤبه‌را هه‌ولێر و به‌غدا دا بهێته چاره‌كرن. هه‌رێما كوردستانێ ب ئاراستێ ريفراندۆمێ را د بۆريت و به‌غدا ژى ره‌تدكه‌ت، ل ده‌ڤه‌رێ حه‌شده‌كا زێده هه‌يه، مه داخواز كريه كو ريفراندۆم ل وان ده‌ڤه‌ران نه‌هێته كرن، چونكو ده‌ڤه‌ر خوه ل به‌ر وان ئالۆزى و هه‌ڤركيان ناگريت”.