ئه‌سیل نوجیفى بنگه‌هێ مه‌شق و راهێنانا دژى داعشێ ڤه‌كر
ئه‌ڤرۆ نیۆز:
پارێزگارێ نه‌ینه‌وا ئه‌سیل نوجێفى گۆت: خه‌لكێ پارێزگه‌ها نه‌ینه‌وا ئێدى هێزا چاڤه‌رێكرنێ نه‌مایه و دڤێت داشعێ ژناڤببه‌ین.
نوجێفى ل مالپه‌رێ كه‌سایه‌تى یێ خوه فێسبوكى راگه‌هاند، ئه‌ڤرۆ مه بنگه‌هێ مه‌شق و راهێنانا هێزا ئازادكرنا مووسل ڤه‌كر و دێ ده‌ست ب دانانا خیڤه‌ت و پێدڤیێن دى ژى كه‌ین.
هه‌روه‌سا گۆت: هژماره‌كا پۆلیس و ئه‌فسه‌رێن پۆلیسان به‌رى دانا خیڤه‌تان هاتن بنگه‌هێ مه‌شق و راهێنان، ئه‌و دبێژن ئه‌م ژ چاڤه‌رێكرنێ نێزار بووین، هنده‌ك ژوان ئێزدى نه و هنده‌ك مه‌سیحى نه و كورد و توركمان و شه‌بك و عه‌ره‌ب بوون.
پارێزگارێ نه‌ینه‌وا ئاماژه دا هندێ ئه‌ڤه یه پێكهاتێ خه‌لكێ مووسل یێ ب ته‌مامى كو دێ مل بملێن برایێن خوه یێن عه‌ره‌ب به‌رسینكگرتنا داعشێ رابن، هه‌روه‌سا خوه‌یاكر چه‌ند داعشى بزاڤ بكه‌ن مه ژێك جودا بكه‌ن دێ هه‌ر هه‌ستا دوژمنكاریا هه‌ڤپشك دژى داعشیان مه هه‌موویان هه‌بیت.
