ئه‌كره‌م شه‌ريف: نه‌ڤه‌گه‌ريايمه ناڤ ئێكه‌تيێ
ئه‌ڤرۆ نيوز:
پشتى ده‌ست ژكاركێشانا پێنج ئه‌ندامێن ئێكه‌تێ ل جڤاتا پارێزگه‌ها سلێمانيێ و دامه‌زراندنا گرۆپه‌كێ جودا، هنده‌ك ده‌زگه‌هێن راگه‌هاندنێ به‌لاڤكريه كو ئه‌و پێنج كه‌س ڤه‌گه‌ريانه ناڤ ئێكه‌تێ، به‌لێ ئه‌كره‌م شه‌ريف وێ چه‌ندێ ره‌ت دكه‌ت.
ئه‌كره‌م شه‌ريف د داخۆيانيه‌كێ دا بۆ رووداو گۆت: “ئه‌م ئه‌و هه‌ڤال ل سه‌ر هنده‌ك مه‌عاناتان گه‌هشتبووينه ئێك و مه ئێك گرتبوو و به‌ره‌يه‌ك پێكئينابوو، نابيت نوكه ژى ب بڕياره‌كا (كن فيكون) ب ڤه‌گه‌رين”.
دا زانين ژى كو ئه‌وى ب رێيا ده‌زگه‌هێن راگه‌هاندنێ زانيه كو هه‌ڤالێن وى ڤه‌گه‌رياينه ناڤ ئێكه‌تيێ، به‌لێ ئه‌و نه‌ڤه‌گه‌ريايه و دبێژيت: “نابيت بڕياره‌كا كه‌سى ل سه‌ر مه‌كته‌با سياسى يا ئێكه‌تيێ زال بيت”.
رۆژا ئه‌ينى لاهۆر شێخ جه‌نگى راگه‌هاند كو ئه‌و ل گه‌ل هه‌ر پێنج ئه‌ندامێن جڤاتا پارێزگه‌ها سلێمانيێ كۆمبوويه و ئاشتبوونا خوه راگه‌هانديه و ڤه‌گه‌رياينه ناڤ رێزێن ئێكه‌تيێ و گۆت: “ب ره‌نگه‌كێ قانوونى گوهۆڕين د پۆستێن پارێزگار و جڤاتێ دا هاتينه كرن”.
د ده‌مه‌كى دا كو ئه‌و پێنج ئه‌ندامێن ده‌ست ژ كاركێشانا خوه ژ ئێكه‌تيێ راگه‌هاندى د به‌لاڤووكه‌كێ دا راگه‌هاند كو پرۆسا گوهۆڕينا پارێزگار و جێگر و سه‌رۆكێ جڤاتێ و جێگرێ وى نه‌يا قانوونى و ياسه‌يروسه‌مه‌ر بوو.