ئه‌لعه‌ره‌بیه:ئيران دێ پارێزگه‌هه‌كا ئیسلامی ل عيراقێ دامه‌زرينيت
ئه‌ڤرۆنيوز:
كه‌نالێ ئه‌لعه‌ره‌بيه يێ سعودى ل سه‌ر زارێ چه‌ند ژێده‌ران ئاشكراكر كو ئيره‌ج مه‌سجدى باليۆزێ ئيرانێ ل عيراقێ سه‌رپه‌رشتيا دامه‌رزاندنا پارێزگه‌هه‌كا ئايينى دكه‌ت كو ده‌ڤه‌رێن سامه‌را وبه‌له‌د ودوجيل ب خوه‌ڤه دگريت.
وى كه‌نالى دياركر كو ئارمانج ژ وێ پلانێ پارچه‌كرنا پارێزگه‌ها سه‌لاحه‌دينه بۆ دو پارێزگه‌هان، سنورێ پارێزگه‌ها نوو ژ باژێركێ ديجله (مكيشيفه) ل باشوورێ تكريت ده‌ست پێ دكه‌ت ول سنورێ به‌غدا ب دووماهى دهێت.
ژلايێ خوه‌ڤه ئه‌ندامه‌كێ په‌رله‌مانێ عيراقێ بۆ كو ناڤێ خوه ئاشكرا بكه‌ت بۆ رۆژنامێن عه‌ره‌بى گۆت” ئه‌و راپۆرتێن به‌حسێ دروستكرنا پارێزگه‌هه‌كا ئيسلامى ژلايێ ئيرانێ ل عيراقێ دكه‌ن، چو راستى بۆ نينه وهه‌ژى به‌رسڤدانێ ژى نينن”.
