ئه‌لمانيا دێ ب ره‌نگه‌كێ زێده‌تر چه‌كێ ميلان ده‌ته پێشمه‌رگه‌يى
ئه‌ڤرۆ نيوز:
ئه‌ڤرۆ مسته‌فا سه‌يد قادر وه‌زيرێ پێشمه‌رگه‌يى ب ئاماده‌بوونا هژماره‌كا به‌رپرسيارێن وه‌زاره‌تێ ل گه‌ل ماركۆس كرۆبل جێگرێ وه‌زيرێ به‌ره‌ڤانيا ئه‌لمانيا و شاندێ ل گه‌ل دا كو ژ هژماره‌كا ئه‌فسه‌رێن له‌شكرێ ئه‌لمانى و ئه‌ندامێن په‌رله‌مانێ وى وه‌لاتى پێكهاتبوو.
د وێ ديدارێ دا به‌حس ل دووماهى پێشهاتێن شه‌رێ داعش و رۆلێ هه‌ڤكاريێن وه‌لاتێن هه‌ڤپه‌يمانان دا كر و جێگرێ وه‌زيرێ به‌ره‌ڤانيا ئه‌لمانيا خۆشحاليا خوه نيشا دا به‌رامبه‌ر سه‌ركه‌فتنێ هێزێن پێشمه‌رگه‌يێ كوردستانێ و تێكشكاندنا تيرۆرستان.
ئاماژه ب وێ چه‌ندێ ژى كر كو ئه‌لمانيا شانازيێ ب وێ چه‌ندێ دكه‌ت كو شياينه هاريكاريا پێشمه‌رگه‌يى و كوردان بكه‌ن و ب چه‌ندين ره‌نگان چه‌ك و ترۆمبێلێن له‌شكرى ب پێشمه‌رگه‌يى دانه و سۆز ژى دا د ئاينده‌يه‌كێ نێزيك دا هاريكاريێن زێده‌تر بگه‌هيننه پێشمه‌رگه‌يى.
مزگينيا وێ چه‌ندێ ژى دا كو ب ده‌مه‌كێ نێزيك دێ گه‌ره‌كا دى يا چه‌كێ ميلان گه‌هيننه ده‌ستێ پێشمه‌رگه‌يى و د به‌رامبه‌ر وێ چه‌ندێ ژى دا وه‌زيرێ پێشمه‌رگه‌يى سۆپاسيا شاندێ وه‌لاتێ ئه‌لمانيا و حوكمه‌تا وان كر ژ به‌ر هاريكاريا وان يا به‌رده‌وام.