ئه‌لمانيا و ئه‌مريكا: داعش چه‌كێ كێمياوى به‌رامبه‌ر پێشمه‌رگه‌يى ب كار ئينايه
ئه‌ڤرۆ نيوز:
دوهى رۆژا پێنجشه‌مبى رۆژناما بيلد يا ئه‌لمانى ئاماژه ب راپۆرته‌كا نهێنى يا سۆپايێ وه‌لاتێ خوه كريه كو تێدا دايه زانين داعش ل رۆژا 12ى ڤێ هه‌يڤێ ل ميحوه‌رێ مه‌خمور چه‌كێ كێمياوى ل دژى پێشمه‌رگه‌يى ب كار ئينايه و د وێ په‌لامارێ دا 60 پێشمه‌رگه تووش بووينه.
هه‌ڤده‌م ئاخفتنكه‌رێ ب ناڤێ وه‌زاره‌تا به‌ره‌ڤانيا ئه‌لمانيا ئاماژه ب وێ چه‌ندێ كر كو ئه‌و چه‌كێ كيمياوى د رێيا هنارتنا مووشه‌كان دا ئاراسته‌يى هێزێن پێشمه‌رگه‌يى هاتيه كرن و گۆت: “شاره‌زايێن ئه‌مريكى و عيراقێ ل جهێ روودانێ ڤه‌كولين ده‌سپێكرينه دا كو بزانن جۆرێ ئه‌وان گاز و مادێن ب ده‌ست دكه‌ڤن ده‌ستنيشان بكه‌ن كو ژ لايێ چه‌كدارێن داعش ڤه دژى هێزێن پێشمه‌رگه‌يى ب كار هاتينه”.
ژ لايێ خوه ڤه وه‌زاره‌تا به‌ره‌ڤانيا ئه‌مريكا “په‌نتاگۆنێ” د به‌ياننامه‌كێ دا ته‌كست ل سه‌ر وێ چه‌ندێ كر كو چه‌كدارێن داعش دژى هێزێن پێشمه‌رگه‌يى چه‌كێ كێمياوى ب كار ئينايه.