ئه‌لمانیا به‌رده‌وام دێ پشته‌ڤانیا كوردستانێ كه‌ت
ئه‌ڤرۆ نیۆز:
ئه‌ڤرو پشتی نیڤرو23-9-2018ل كوچكا مێڤانداریان فه‌رهاد ئه‌مین ئه‌تروشی پارێزگه‌رێ دهوكێ پێشوازیا (باربارا ووڵف) قونسلا وه‌لاتێ ئه‌لمانیا ل هه‌رێما كوردستانێ وشاندێ دگه‌لدا كر.
دهه‌ڤدیتنه‌كێدا به‌حسێ په‌یوه‌ندیێن هه‌رێما كوردستانێ وئه‌لمانیا وره‌وشا پارێزگه‌ها دهوكێ وهه‌بونا ژماره‌كا زور یا ئاواره وپه‌نابه‌ران ل سنورێ پارێزگه‌هێ وئه‌و كار وخزمه‌تا بو دهێته كرن ژلایێ كارگێریا پارێزگه‌هێ ورێكخراوێن خێر خاز پێشكێش دكه‌ن تایبه‌تی رێكخراوێن ئه‌لمانی هاته كرن.
پارێزگه‌رێ دهوكێ خوشحالیا خو ب سه‌ره‌دانێ دیاركر وسوپاسیا وه‌لاتێ ئه‌لمانیا كر سه‌باره‌ت ئه‌و هاریكاریێن له‌شكری ویێن مروڤایه‌تی یێن بو هه‌رێما كوردستانێ كرین وخواست كو په‌یوه‌ندیێن هه‌رێمێ و ئه‌لمانیا پتر گه‌شه‌كرنێ بخوڤه ببینن وحكومه‌تا وی وه‌لاتی به‌رده‌وامیێ بده‌ته هاریكاریێن خو بو هه‌رێمێ.
ژلایێ خوڤه (باربارا ووڵف) قونسلا وه‌لاتێ ئه‌لمانیا ته‌كه‌زكر كو په‌یوه‌ندیێن وان دگه‌ل هه‌رێما كوردستانێ دێ دبه‌رده‌وام بن و پشته‌ڤانیا وه‌لاتێ خو بو هه‌رێمێ دوپات كر.
