ئه‌لمانیا پشكا بودجا خۆ بۆ ئێكه‌تیا ئه‌ورۆپا زێده دكه‌ت
ئه‌ڤرۆ نیوز:
ئه‌نگێلا مێركل راوێژكارا ئه‌لمانیا راگه‌هاند وه‌لاتێ وێ ب ئاوایه‌كێ به‌رچاڤ بۆدجا خو بۆ ئێكه‌تیا ئه‌وروپا دا زێده دكه‌ت.
لگۆری راگه‌هاندنێن ئه‌لمانی ئه‌نگێلا مێركلێ راگه‌هاندیه كۆ وه‌لاتێ وێ به‌رهه‌ڤه بۆ زێده‌كرنا دانا پشكا بودجا وه‌لاتێ خۆ بۆ ئیكه‌تیا ئه‌ورۆپا.
ئه‌ڤ داخویانیێن ئه‌نگێلا مێركل پشتی ئه‌وێ چه‌ندێ دهێت كۆ ئێكه‌تیا ئه‌ورۆپا راگه‌هاند بوو ب مه‌به‌ستا به‌رهنگاربوونا كورونایێ پێدڤی ب بودجه‌یه‌كا زێده‌تر هه‌یه و هه‌ماهه‌نگی دناڤبه‌را ئه‌ندامێن ئێكه‌تیێ وه‌ك پێدڤی نینه بۆ به‌رهنگاربوونا ڤایرۆسی.
راوێژكارا ئه‌لمانیا پێنگاڤێن وه‌لاتێ خۆ د سه‌ره‌ده‌ریكرنا ل گه‌ل كورونایێ ب سه‌ركه‌فتن ل قه‌له‌مدا لچاڤ وه‌لاتێن هه‌ڤسی و دوی چارچوڤه‌ی دا پینگاڤێن ده‌ستپێكی یێن هه‌لگرتنا قه‌ده‌غه‌یا هاتنوچونێ و ئاسایكرنا ژیانێ ده‌ستپێكر.
