ئه‌مريكا ئامارا سه‌ربازێن خوه يێن كوشتى ل عيراقێ وسووريێ به‌لاڤ دكه‌ت
ئه‌ڤرۆنيوز:
وه‌زاره‌تا به‌رگريا ئه‌مريكى ئامارا زيانێن گيانى يێن هێزێن خوه يێن له‌شكرى دناڤبه‌را ئادارا 2003 هه‌تا دووماهيا هه‌يڤا كانوونا دويێ 2019 ل عيراقێ وسووريێ به‌لاڤكر.
ل سالا 2003 هه‌تا دووماهيا 2018 چار هزار و284 سه‌ربازێن ئه‌مريكى ل عيراقێ وسووريێ هاتينه كوشتن و32 هزار و 180 سه‌رباز ژى بريندار بووينه.
جيسيكا ماكسويل، په‌يڤدارا وه‌زاره‌تا به‌رگريا ئه‌مريكى بۆ كاروبارێن هێزێن چه‌كدار دبه‌يانامه‌كێ دا راگه‌هاند” دئۆپه‌راسيۆنين له‌شكرى ل عيراقێ 4 هزار و384 سه‌ربازێن ئه‌مريكى هاتينه كوشتن و 32 هزار و 180 سه‌ربازێن دى بريندار بووينه”.
سه‌باره‌ت سووريێ، وێ به‌رپرسا وه‌زاره‌تا به‌رگريا ئه‌مريكى گۆت” شه‌ش سه‌ربازێن دده‌مێ ئۆپه‌راسيۆنان دا هاتينه كوشتن و 28 سه‌ربازێن دى بريندار بووينه”.
