ئه‌مريكا جهێ به‌غدادى ئاشكراكر وهه‌لوه‌شاندنا حه‌شدا شه‌عبى مه‌رجێ راده‌ستكرنا وى يه
ئه‌ڤرۆنيۆز:
شيره‌تكاره‌كێ سه‌رۆك كومارێ عيراقێ يێ به‌رێ دياركر كوئه‌مريكا ورۆسيا جهێ سه‌رۆكێ رێكخستيا داعش يا تيرۆرستى يێ ئاشكراكرى وددانوستاندنان دانه بۆ راده‌ستكرنا وى.
سادق موسه‌وى شيره‌تكارێ سه‌رۆكێ عيراقێ يێ به‌رێ و سه‌رۆكێ ده‌زگه‌هێ عيراق بۆ ميديا وپه‌يوه‌نديێن نێڤده‌وله‌تى، دبێژيت كو ئه‌مريكا ورۆسيا جهێ(ئه‌بوبه‌كر به‌غدادى) يێ ئاشكراكرى ويێن ددانوستاندنێ دا بۆ گوهۆرينا وى به‌رامبه‌ر هه‌لوه‌شاندنا حه‌شدا شه‌عبى وژچه‌ككرنا حزبوللا يا لوبنانى.
سادقى بۆ باسنيوز گۆت، ئه‌بوبه‌كر به‌غدادى يێ ل ده‌ڤه‌را ئه‌لبوكه‌مال ل سوريێ كو دكه‌ڤيته سه‌ر سنۆرێ عيراقێ وژلايێ ئه‌مريكيان ڤه دهێته پاراستن.
ئاماژا دا، ئه‌مريكا چاڤه‌رێ ب دووماهى ئينانا باده‌كا حه‌شدا شه‌عبى يه ل عيراقێ وباده‌كا حزبوللا يا لوبنانى.
گۆت ژى، پشتى ميليشيێن حه‌شدا شه‌عبى وهێزين عيراقى هێرش كريه سه‌ر ده‌ڤه‌را راوه ل سنۆرێ پارێزگه‌ها ئه‌نبار، پرۆسا گوهۆرينا سه‌رێ ئه‌بو به‌كر به‌غدادى ب هه‌لوه‌شاندنا ميليشيێن حه‌شدا شه‌عبى سه‌رهلدا.
خوياكر ژى، رۆسيا ب رێيا هه‌يڤا ده‌ستكرد پێزانين ل سه‌ر لڤينا داعشێ ل ئه‌لبوكه‌مال ب ده‌ستكه‌فتن ل گه‌ل وێ ژى فه‌رمان ب به‌غدا هاته دان كو ئه‌سمانێ ده‌ڤه‌رێ دێ ل به‌رامبه‌ر فرۆكێن عيراقێ گرن، هه‌ڤده‌م سه‌ركردايه‌تيا سوورى ل هه‌بوونا ئه‌بوبه‌كر به‌غدادى ل ئه‌لبوكه‌مال هاته ئاگه‌هداركرن وئه‌و هێزا ژ راوه چوويه ئه‌لبوكه‌مال بۆ پاراستنا سه‌ركردێن داعشێ چبوون، دياركر ژى كو دانوستاندنێن دناڤبه‌را رۆسيا وئه‌مريكا يێن گه‌هشتينه وێ چه‌ندێ كو حه‌شدا شه‌عبى ل عيراقێ وچه‌كێ حزبوللا ل لوبنانێ مه‌ترسيه‌كا مه‌زنن، هه‌روه‌سا داخۆيانيێن نوونه‌رێ سووريێ ل نه‌ته‌وێن ئێكگرتى هه‌مان ئاماژه تێدا.
