ئه‌مريكا دێ مووچێ 36 هزار پێشمه‌رگه‌يان دابين كه‌ت
ئه‌ڤرۆنيوز:
ئه‌ميندارێ گشتيێ وه‌زاره‌تا پێشمه‌رگه راگه‌هاند، هاريكاريێن وه‌لاتێن هه‌ڤپه‌يمان بئه‌مريكا ژى ڤه بۆ پێشمه‌رگه‌ى دبه‌رده‌وامن ونه‌هاتينه راگرتن، گۆت ژىئه‌ڤ ساله ئه‌مريكا ب 365 مليۆن دۆلاران دێ هاريكاريا پێشمه‌رگه‌ى كه‌ت وئۆمێدهك يا هه‌ى سوباهى ئێكشه‌مبى قۆناغ ب قۆناغ ده‌ست ب به‌لاڤكرنا وى پاره‌ى بهێته كرن.
جه‌بار ياوه‌ر، ئه‌ميندارێ گشتيێ وه‌زاره‌تا پێشمه‌رگه گۆت” ئه‌و هاريكاريا ئه‌مريكا ل سالا 2018 بۆ پێشمه‌رگه‌ى دياركرى چو ده‌مه‌كى پێكڤه ناهێته هه‌رێما كوردستانێ، ئه‌و پاره كو 365 مليۆن دۆلاره هه‌يڤانه بۆ مووچێ نێزيكى 36 هزار پێشمه‌رگه‌يان دێ هێته دابينكرن، هه‌يڤانه ئه‌و پاره ب قۆناغ دێ گه‌هيته وه‌زاره‌تا دارايى يا هه‌رێما كوردستانێ وكۆژمێ وى يێ هه‌يڤانه 26 مليار ديناره”.
ياوه‌رى زێده‌تر بۆ رووداو گۆت”چو وه‌لاته‌كى هاريكاريێن خوه بۆ پێشمه‌رگه‌ى نه راوه‌ستاندينه وئومێده‌ك يا هه‌ى ل سوباهى ئێكشه‌مبى ده‌ست ب به‌لاڤكرنا وێ هاريكاريا ئه‌مريكا بهێته كرن، ئه‌وژى بۆ مووچێ 14 ليوايێن وه‌زاره‌تا پێشمه‌رگه وبنگه‌هێن مه‌شق وراهێنانێ يه كو نێزيكى 36 هزار پێشمه‌رگه‌يانه”.
ل سالا 2017 ژى ئه‌مريكا ب كوژمێ 415 مليۆن دۆلاران هاريكاريا وه‌زاره‌تا پێشمه‌رگه كربوو.
