ئه‌مريكا دێ چه‌كێ دژى تانكان ده‌ته عيراقێ
ئه‌ڤرۆ نيوز:
به‌رپرسه‌كێ مه‌زن ل وه‌زاره‌تا ژ ده‌رڤه يا ئه‌مريكا ئه‌ڤرۆ رۆژا پێنجشه‌مبى رێكه‌فتى 21ى گۆلانا 2015ێ راگه‌هاند كو وه‌لاتێن ئێكگرتى يێن ئه‌مريكا دێ چه‌كێ دژى تانكان ل ده‌سپێكا خزيرانێ ده‌ته هێزێن عيراقێ دا كو ل دژى كرياريێن داعش يێن تيرۆرستى ب كار بينن ئه‌وێن بووينه ئه‌گه‌رێ كه‌فتنا رومادى.
ئه‌ڤى به‌رپرسێ نه‌ڤيايى ناڤێ خوه ئاشكه‌را بكه‌ت ئاماژه ب وێ چه‌ندێ كريه كو داعش نێزيكى 30 ترۆمبێلێن مينرێژكرى يێن درع ل رومادى په‌قاندينه و 10 ژ وان قه‌بارێ وان هندى يێ ترێلێ بوو ئه‌وا بوويه ئه‌گه‌رێ كوشتنا 168 كه‌سان ل ئوكلاهۆما يا ئه‌مريكى ل سالا 1995ێ.
ئه‌ڤى به‌رپرسى بۆ ميديا ئه‌مريكا گۆتيه ژى كو ئه‌مريكا بڕيار دايه چه‌كێ دژى تانكان بده‌ته حوكمه‌تا عيراقێ ل وى ده‌مێ عه‌بادى سه‌ره‌دانا واشنتۆن كرى ل هه‌يڤا نيسانێ و ئه‌ڤ چه‌كه دێ ژ جۆرێ AT4 بيت و ل ده‌سپێكا خزيرانێ دێ گه‌هيت.
