ئه‌مريكا ل سه‌ر ڤه‌گوهاستنا موشه‌كێن ئيرانى بۆ عيراقێ هاته ده‌نگ
ئه‌ڤرۆنيوز:
وه‌زيرێ ده‌رڤه‌يێ ئه‌مريكا، جۆرج پۆمپيۆ ئه‌ڤرۆ شه‌مبيێ 1/9/2018 دلگرانيا خوه ل به‌رامبه‌ر وان ده‌نگوباسێن به‌حسێ ڤه‌گوهاستنا موشه‌كێن باليستى يێن ئيرانى بۆ ئاخا عيراقێ دكه‌ن، دياركر.
پۆمپيۆى ل سه‌ر تۆرا جڤاكى يا تويته‌رى نڤيسى” هه‌كه ئه‌و راپۆرت دراست بن، ئه‌و پێشيلكاريه‌كا مه‌زن يا سه‌روه‌ريا عيراقى وبريارا 2231 يا جڤاتا ئاسايشا نێڤده‌وله‌تى يه”.
گۆت ژى” به‌غدا ب خوه بريارێ ل سه‌ر وێ چه‌ندێ دده‌ت كا چ ل سه‌ر ئاخا وێ بهێته كرن، نه‌كو ئيران”.
دوهى ئه‌ينيێ 31/8/2018 ئاژانسا رويته‌رز به‌لاڤكربوو كو ئيرانێ مووشه‌كێن باليستى داينه ميليشيێن حه‌شدا شه‌عبى وه‌كو به‌ره‌ڤانيه‌ك ل به‌رژه‌وه‌نديێن ئيرانێ به‌رانبه‌ر هه‌ر هێرشه‌كا ل رۆژهه‌لاتا ناڤه‌راست ل ئيرانێ بهێته كرن. هه‌روه‌سا بۆ لێدانا وه‌لاتێن دژى ئيرانێ ل ده‌ڤه‌رێ، بتايبه‌تى ئيسرائيل وسعوديێ، كو ئه‌و موشه‌ك دشێن ژئاخا عيراقێ بگه‌هنه رياز پايته‌ختا سعوديێ وته‌ل ئه‌بيب پايته‌ختێ ئيسرائيلێ.
