ئه‌مريكا نێزيكى 600 كه‌سان ژ به‌ر خوه‌نيشاندانێن بێ مۆله‌ت ده‌سته‌سه‌ركرن
ئه‌ڤرۆ نيوز، فاتما مزوورى:
پۆليسێن ئه‌مريكا ل واشنتۆن يێ پايته‌ختێ وه‌لاتى، نێزيكى 600 كه‌سان ژ ئه‌گه‌رێ پشكداريكرنێ د خوه‌نيشاندانان دا كرينه، هاتينه ده‌سته‌سه‌ركرن.
ل ئه‌مريكا ماوه‌كه خوه‌نيشاندانان ل دژى سياسه‌تا سه‌رۆكێ وى وه‌لاتى دونالد تره‌مپ ل هه‌مبه‌ر كۆچبه‌ران ده‌سپێكرين.
پۆليسێن ئه‌مريكا د داخۆيانيه‌كێ دا راگه‌هاند كو وان 575 تۆمه‌تبار ده‌سته‌سه‌ركرينه ژ به‌ر كو وان كه‌سان پشكدارى د خوه‌نيشاندانێن بێ مۆله‌ت دا كرينه.
هه‌ر د وێ داخۆيانيا پۆليسان ژى دا هاتيه كو ئه‌و كه‌س د ناڤ ئاڤاهيێ جڤاتا پيران دا هاتينه راوه‌ستاندن و نها ڤه‌كۆلين ل گه‌ل وان دهێته كرن.
سه‌رۆكێ ئه‌مريكا دونالد تره‌مپ ل دژى هه‌ر سه‌ره‌ده‌ريه‌كا نه‌رمه ل گه‌ل كۆچبه‌ران كو دخوازن سه‌ره‌دانا ئه‌مريكا بكه‌ن.
هه‌ڤده‌م ب به‌هانا مه‌ترسيا تيرۆرێ، سه‌ره‌دانا وه‌لاتيێن ژماره‌كا وه‌لاتێن جيهانێ ژبۆ ئه‌مريكا قه‌ده‌غه‌كريه.
ل سه‌ر سنورێ د ناڤبه‌را ئه‌مريكا و مه‌كسيك دا ژى ئيدارا ئه‌مريكا ب سه‌دان زارۆ و شيرخۆر ژ دايك و بابێن وان جودا كرن.
ئه‌و ره‌فتارا ئيدارا تره‌مپ بوويه ئه‌گه‌رێ دلگرانيا رێكخستيێن مافێن مرۆڤى و پاراستنا زارۆيان ل ناڤ ئه‌مريكا و پشكه‌ك ژ وه‌لاتيێن ل دژى سياسه‌تێن تره‌مپ ده‌ست ب خوه‌نيشاندانان كريه.
