“ئه‌مريكا و ئه‌ورۆپا تيرۆرستێن خوه هنارتينه ناڤ داعش”
ئه‌ڤرۆ نيوز، نيوار محه‌مه‌د سه‌ليم:
ئه‌ندامێ مه‌كته‌با سياسيا پارتى ديموكراتى كوردستان – سوريا راگه‌هاند كو بنياتێ داعش ئه‌و زيندانى نه يێن ل وه‌لاتێن سعودى و ئه‌مريكا و ئه‌ورۆپا و دا كو خوه ژێ خلاس بكه‌ن هنارتينه ڤێره بۆ تێكدانا ده‌ڤه‌رێ.
محه‌مه‌د ئيسماعيل ئه‌ندامێ مه‌كته‌با سياسيا پارتى ديموكراتى كوردستان – سوريا د داخۆيانيه‌كێ دا بۆ ئه‌ڤرۆ نيوز گۆت: “هه‌كه دروست ته‌ماشه‌ى ئه‌ميرێن داعش بكه‌ين دێ بينين زێده‌هيا وان خه‌لكێ سعودى نه و هژماره‌كا گه‌له‌ك مه‌زن ژ ئه‌مريكا و ئه‌ورۆپا ژى هاتينه ناڤ داعش و ل ده‌ڤه‌رێ شه‌رى دكه‌ن”.
ئاشكه‌را ژى كر كو ئه‌ڤه هه‌موو زرته‌ك و تيرۆرا وايه، ئه‌وا ل وه‌لاتێن وان، هنارتيه ده‌ڤه‌رێ و ژ گه‌له‌ك لايان ڤه مفايى ژێ دبينن، چ بۆ وه‌رگرتنا پێزانينان بيت يان ژى فرۆتنا چه‌كى بيت.
زێده‌تر گۆت: “ل شوونا ئه‌و ل ئه‌ورۆپا و ئه‌مريكا بن و نه‌خۆشيا بۆ وان دروست بكه‌ن، دێ هنێرنه ڤان وه‌لاتان و چه‌كى ژى فرۆشتنێ و ل ڤێره دێ ئێكدو كوژن و به‌لا وان ژێ ڤه بيت و دێ مفاى ژ فرۆتنا چه‌كى ژى بينن”.
وه‌كو گرۆڤه ل سه‌ر گۆتنێن خوه، محه‌مه‌د ئيسماعيل گۆت: “يا ژيوارى يه ئه‌و هه‌موو كه‌س ژ ئه‌ورۆپا و ئه‌مريكا و سعودى و ڤان هه‌موو وه‌لاتان بهێن و كه‌سه‌ك نه‌زانيت ئه‌ڤه كيڤه چوون و چوونه وێرێ چ؟”.
ئه‌ندامێ مه‌كته‌با سياسيا پارتى ديموكراتى كوردستان – سوريا گۆتژى: “داعش دشيا ب 15 ده‌مژمێران كۆبانێ بگريت و توركيا و سوريا دشيان د بنيات دا ئه‌ڤه روو نه‌ده‌ت، هه‌موو رێكه‌فتنێن سياسى نه و ب گۆره‌ى مه‌رجانه”.
محه‌مه‌د ئيسماعيل ئاماژه ب وێ چه‌ندێ ژى كر كو يا رحه‌تيێ ژ رۆژئاڤا را چێدكه‌ت، هه‌رێما كوردستانێ يه، خوه ئه‌مريكا ژى ژ مه دخۆت و گۆت: “هه‌رێما كوردستانێ و سه‌رۆك بارزانى ب رێيا په‌يوه‌نديێن خوه يێن نێڤده‌وله‌تى خزمه‌تا مه دكه‌ن”.
