ئه‌مريكا و هه‌ڤپه‌يمانێن وێ دێ گورزه‌گا گه‌له‌ك ب هێز داوه‌شيننه رژێما ئه‌سه‌د
ئه‌ڤرۆ نيوز:
جۆم بۆلتۆن، شيره‌تكارێ ئاسايشا نه‌ته‌وى يا ئه‌مريكا راگه‌هاند كو ئاماده‌كارى بۆ هێرشه‌كا گه‌له‌ك ب هێزتر ژ هێرشا به‌رى روودانا باژێرێ دۆما دهێنه كرن بۆ سه‌ر رژێما به‌شار ئه‌سه‌د.
رۆژناما بلۆمبێرگ ژ ژێده‌رێن تايبه‌ت يێن حوكمه‌تا ئه‌مريكا ڤه ڤه‌گۆهاستيه كو شيره‌تكارێ ئاسايشا نه‌ته‌وى يا ئه‌مريكا هوشدارى ده‌رباره‌يى گۆرزه‌كێ ب هێزتر بۆ سه‌ر رژێما سوريا دايه.
رۆژنامێ نڤيسيه: “بۆلتۆن نيه‌تا ئه‌مريكا د چارچۆڤێ كۆمبوونه‌كا گرتى ل گه‌ل سه‌رۆكێ جڤاتا ئاسايشا رۆسى نيكۆلايى باترۆشيف به‌حسكريه كو 23ى ته‌باخا 2018ێ ل جنيڤ كۆمبوويه.
بۆلتۆن گۆتيه: “ئه‌مريكا نيه‌ت هه‌يه كو سۆپايێ سوريا چه‌كێ كيمياوى ل ئيدلب بكارئينايه، هه‌كه ئه‌ڤه بهێته كرن، وه‌لاتێن ئێكگرتى يێن ئه‌مريكا دێ گۆرزه‌كێ ب هێز داوه‌شينيته رژێما ئه‌سه‌د كو ژ گورزێ پشتى روودانا باژێرێ دۆما ب هێزتر بيت.
ب گۆره‌يى پێزانينێن وه‌زاره‌تا به‌ره‌ڤانيا رۆسيا ژى، وه‌لاتێن ئێكگرتى يێن ئه‌مريكا و بريتانيا و فره‌نسا ئاماده‌كارى بۆ ئه‌نجامدانا هێرشێن نوو ل دژى سوريا كرينه.
