ئه‌مريكا گه‌فێن بكارئينانا هێزا له‌شكرى دژى ئيرانێ دكه‌ت
ئه‌ڤرۆنيوز:
دهه‌لويسته‌كێ دژى ئيرانێ دا ل دۆر گه‌فێن ئيرانێ ل دۆر داخستنا به‌نده‌رێ هورمز هه‌كه دۆرپێچا هنارتنا په‌ترۆلێ ل سه‌ر وێ بهێته بجهئينان، ئه‌مريكا گه‌ف ل ئيرانێ كرن كو يا به‌رهه‌ڤه هيزا له‌شكرى بكاربينيت بۆ پاراستنا بازرگانيا په‌ترۆلێ ل ده‌ڤه‌رێ.
سه‌باره‌ت داخۆيانيێن ئيسماعيل كه‌وسه‌رى، فه‌رماندێ پاسدارێن ئيرانێ كو راگه‌هاندبوو، هه‌كه ريگرى ل ئيرانێ بهێته كرن ل بازرگانيا په‌ترۆلێ دا، دێ به‌نده‌رێ هورمز هێته داخستن.
په‌يڤدارێ وه‌زاره‌تا ده‌رڤه‌يا ئه‌مريكى، بيل ئوربان،ل دووڤ ئاژانسا ئه‌نادۆل يا توركى، گۆت” رێگرتن ل هاتنوچوونا گه‌شتيێن په‌ترۆلێ ل ئاڤێن نێڤده‌وله‌تى، پێشيلكرنا قانوونا نێڤده‌وله‌تى يه”.
گۆت ژى” هێزێن ده‌ريايى يێن ئه‌مريكا وهه‌ڤپه‌يمانێن وێ ل ده‌ڤه‌رێ، دبه‌رهه‌ڤن به‌رگريێ ل ئازاديا هاتنوچوونێ ل هه‌ر جهه‌كى بكه‌ن كو قانوونا نێڤده‌وله‌تى رێ ب بازرگانيا ئازاد تێدا دايه”.