ئه‌مریكا: ئۆپه‌راسیۆنا توركیا دێ بیته ئه‌گه‌رێ ئالۆزیێن نوو
ئه‌ڤرۆ:
سه‌رۆكێ لیژنا په‌یوه‌ندیێن ده‌رڤه ل جڤاتا نوونه‌رێن ئه‌مریكا راگه‌هاند كو دڤێت توركیا ده‌ست ب چو ئۆپه‌راسیۆنێن نوو ل باكورێ سووریێ نه‌كه‌ت، ژ به‌ر كو ئه‌و یه‌ك دێ بیته ئه‌گه‌رێ راگرتنا شه‌رێ ل دژی داعشێ، هه‌كه شه‌رێ ل دژی داعشێ ل سووریێ بهێته راگرتن و شه‌ڕه‌ك نوو د ناڤبه‌را توركیا و هێزێن سووریا دیموكرات دا ده‌ستپێ بكه‌ت ئه‌و یه‌ك دێ بیته ئه‌گه‌رێ بهێزبوونا داعشێ.
جۆرج میكس ئه‌و یه‌ك ژی دیار كر كو به‌ری نها ژی به‌رپرسێن ئه‌مریكا سه‌باره‌ت ب زیانێن ئۆپه‌راسیۆنه‌كا وه‌سا هۆشداری داینه توركیا لێ دیاره هه‌تا نها ژی به‌رپرسێن توركیا د رژدن كو ده‌ست ب ئۆپه‌راسیۆنه‌كا سه‌ربازی ل باكورێ سووریێ بكه‌ن، بێگومان هه‌كه توركیا ده‌ست ب كاره‌كێ وه‌سا بكه‌ت دێ زیانێن خوه یێن مه‌زن بۆ ئه‌نقه‌ره ژی هه‌بن.
