ئه‌مریكا ده‌ست ب دابینكرنا چه‌كی بۆ یه‌په‌گێ كر
ئه‌ڤرۆ نیوز:
ل گۆری میدیا ئه‌مریكی وه‌زاره‌تا به‌رگرییا ئه‌مریكا ده‌ست ب پرچه‌ككرنا یه‌كینه‌یێن پاراستنا گه‌ل یه‌په‌گێ ل سووریێ كر بۆ بكارئینانا وی چه‌كی د شه‌رێ دژی داعشيَ دا ل ره‌قه.
كه‌نالێ (NBCNews) یێ ئه‌مریكی راگه‌هاند: ئه‌مریكا د بیست و چوار ده‌مژمێرێن بۆری دا ده‌ست ب پرچه‌ككرنا یه‌په‌گێ كرييه.
به‌ری نها ئه‌مریكا بریار دابوو یه‌یه‌گێ پرچه‌كبكه‌ت و میدیا نێزیكی یه‌په‌گێ دیار كربوو كو چه‌ك گه‌هشتییه وان، لێ ئه‌مریكا ره‌ت كربوو و دیار كربوو كو هێشتا هێزێن كوردی یێن یه‌په‌گێ چه‌كێ ئه‌مریكا نه‌وه‌رگرتییه و بتنێ گرۆپێن عه‌ره‌ب یێن هه‌سه‌دێ ئه‌و چه‌ك وه‌رگرتییه.
ئه‌ڤ گاڤا ئه‌مریكایێ توركیا دلگران كرییه لێ ل گۆری گۆتنا وه‌زیرێ ده‌رڤه یێ توركیا ئه‌و چه‌ك بتنێ دێ د شه‌رێ ره‌قه دا هێته بكارئینان.
