ئه‌مریكا هێزه‌كا له‌شكرى ل ڤێ ده‌ڤه‌را عیراقێ به‌لاڤكر
ئه‌ڤرۆنیوز:
فه‌رمانده‌كێ حه‌شدا شه‌عبى راگه‌هاند، ل ئێڤاریا دوهى ئه‌ینیێ چه‌ند كه‌س ب په‌راشۆتان ژناڤ فرۆكێن شه‌ركه‌رێن ئه‌مریكى ل نێزیك سنورێ دناڤبه‌را عیراقێ وسووریێ دا هاتنه خوار.
قاسم موسلح، فه‌رماندێ ئۆپه‌راسیۆنێن حه‌شدا شه‌عبى ل میحوه‌رێ رۆژئاڤایێ ئه‌نبار بۆ ئاژانسا (نون) یا عیراقى گۆت” لڤینێن ئه‌مریكا ب ڤه‌كێشانا تۆپ هاڤێژان ژ باره‌گایێ فرقا هه‌شت ل قائیم وجهگیركرنا وێ ل ده‌ڤه‌را (بیرئه‌لمه‌راسم) ل جه‌زیرێ، ئارمانج ژێ تێكدانا ئاسایشا ده‌ڤه‌رێ یه.
رۆهنكر ژى” ب ده‌هان په‌راشۆتڤان ژناڤ فرۆكه‌كا ئه‌مریكى دناڤ ئاخا عیراقێ دا هاتن وار”.
وى فه‌رماندێ حه‌شدا شه‌عبى پێشبینى كر كو ئه‌و په‌ره‌شوتڤانه تیرۆرست بن وبۆ به‌رژه‌وه‌ندیا هێزێن ئه‌مریكى ل وێ ده‌ڤه‌رێ كار بكه‌ن.