ئه‌مریكا: پشته‌ڤانییا كوردستانه‌كا ب هێز و ئێكگرتی دكه‌ین
ئه‌ڤرۆ نیوز:
شانده‌كا سه‌ربازی و سیاسی یا ئه‌مریكی ل هه‌ولێرێ ل گه‌ل شیره‌تكارێ جڤاتا ئاسایشا هه‌رێمێ كۆمبوو و پشته‌ڤانییا وه‌لاتێ خوه بۆ كوردستانه‌كا ب هێز و ئێكگرتی دوپاتكر.
مه‌سرور بارزانی شیره‌تكارێ جڤاتا ئاسایشا هه‌رێمێ ئه‌ڤرۆ ل هه‌ولێرێ پێشوازی ل شانده‌كا سه‌ربازی و سیاسی یا ئه‌مریكی ب سه‌رۆكاتیا جه‌نه‌رال پاول فانكی كر و به‌حس ل ره‌وشا ده‌ڤه‌رێ و په‌یوه‌ندیێن ئه‌مریكا و هه‌رێما كوردستانێ كر و شاندا ئه‌مریكی راگه‌هاند؛ وه‌كو كیانه‌كێ دستووری، واشنتۆن پشته‌ڤانیێ ل كوردستانه‌كا ب هێز و ئێكگرتی دكه‌ت و دخوازیت د هه‌موو واران دا په‌یوه‌ندیێن خوه ل گه‌ل هه‌رێمێ پێشڤه‌ببه‌ت.
ل دۆر مه‌ترسیا دووباره سه‌رهلدانا تیرۆرێ ژی، شاندا ئه‌مریكی داخوازا هه‌ماهه‌نگی و هاریكارییا دناڤبه‌را هێزێن پێشمه‌رگه‌ی و هه‌ڤپه‌یمان و هێزێن ئیراقی دا كر و شیره‌تكارێ جڤاتا ئاساییشا هه‌رێمێ ژی، هاریكارییا هه‌موو ئالییان د به‌رهه‌نگاربوونا تیرۆرێ دا ب گرنگ ناڤكر و داخوازكر ئه‌گه‌رێن سه‌رهلدانا تیرۆرێ بهێنه ژناڤبرن.
