ئه‌مریكا چه‌ند كارمه‌ندێن خۆ ل بالیوزخانه‌یا عیراقێ ڤه‌دكێشیت
ئه‌ڤرۆ نیوز:
ب ئه‌گه‌رێ كورونایێ وه‌زاره‌تا ده‌رڤه‌یا ئه‌مریكا پشكه‌كا كارمه‌ندێن خۆ ل بالیوزخانه‌یا به‌غدا و قونسلخانه‌یا هه‌ولێرێ ڤه‌دكێشیت.
ئه‌ڤرۆ بالیوزخانه‌یا ئه‌مریكا ل به‌غدا راگه‌هاند: لبه‌رچاڤگرتنا ره‌وشا ئه‌منی و رێ و ئاوایێن توخیبداركرنا گه‌شتكرنێ ب ئه‌گه‌رێ ڤایرۆسێ كورونایێ، وه‌زاره‌تا ده‌رڤه فه‌رمان ل ژماره‌كا كارمه‌ندێن دیاریكری ل به‌غدا و هه‌ولێرێ كریه عیراقێ بجهـ بهێلن.
بالیوزخانه‌یا عیراقێ ئه‌و چه‌نده ژی دیاركر شیانێن حكومه‌تا ئه‌مریكا هاتینه دیاریكرن ژ پێشكێشكرنا خزمه‌تگۆزاریێن ژ نشكه‌كێ ڤه بۆ ئه‌وان ئه‌مریكێن ل عیراقێ نه.
داخاز ژ ئه‌مریكیان ژی كر ب زووترین ده‌م عیراقێ بجهـ بهێلن.
بالیوزخانه‌یا ئه‌مریكا ئه‌و چه‌نده ژی دا زانین خزمه‌تگۆزاریێن دانا ڤیزێ ب هه‌لاویستی هێلایه هه‌تا ده‌مه‌كی نه‌دیاریكری.
