ئه‌مریكا گه‌فێن دژی ئیرانێ ده‌ستپێكرن
ئه‌ڤرۆ نيوز:
ویلایه‌تێن ئێكگرتیا ئه‌مریكی پشتی رووسیا ڤیتۆ دژی پرۆژێ وه‌لاتێن رۆژئاڤایێ ل جڤاتا ئێمناهیا نێڤده‌ولی ب كارئینای، ئه‌مریكا ده‌ست ب گه‌فان كر دژی ئیرانێ كو دبیت ئه‌و بتنێ كاره‌كی دژی ئیرانێ ئه‌نجام بده‌ت، نه‌خاسمه پشتی رووسیا هه‌مبه‌ری گه‌هشتنا چه‌كێ ئیرانێ بۆ حوسیان ل یه‌مه‌نێ چاڤێن خوه گرتین.
بالێوزا ئه‌مریكی ل نه‌ته‌وه‌یێن ئێكگرتی نیكی هیلی بۆ رۆژنامه‌ڤانان دیاركر، هه‌كه رووسیا بڤی ره‌نگی یا به‌رده‌وام بیت، ئه‌مریكا و هه‌ڤكارێن وێ دێ نه‌چار بن بتنێ بڕیاره‌كێ دژی ئیرانێ بده‌ن، هه‌كه مه چو پێرابوون ل جڤاتا ئێمناهیا نێڤده‌ولی وه‌رنه‌گرتن وی ده‌می ئه‌م دێ پێرابوونان وه‌رگرین.
نیكی هیلی هه‌روه‌سا رونكر، یا دیاره بكارئینانا ڤیتویێ چو بڕیار سه‌باره‌ت چه‌كی ئه‌تۆمی ناهێنه وه‌رگرتن، كو دشێم بێژم ئێدی چو مفا تێدا نه‌مایه.
زێده‌تر گۆت: ڤێ بۆ مه دیاركر كو چو گۆمان تێدا نینه وه‌لاتێ ئیرانێ ده‌ستووری بۆ بجهئینانا ڤان كاران و شێوازێ مه‌ترسیدار نه‌یێ قانوونێ ژ هنده‌ك ئالیان وه‌رگرتیه.
