ئه‌مریكا 12 ملیۆن دۆلاران بۆ ئاشكراكرنا جهێن سێ سه‌ركردێن په‌كه‌كێ ته‌رخان دكه‌ت
وه‌زاره‌تا ده‌رڤه یا ئه‌مریكا د به‌یاننامه‌كێ دا راگه‌هاند، ئیدارا وه‌لاتێ وان كۆژمێ 12 ملیۆن دۆلاران به‌خشیش داناینه بۆ دیتنا جهێ سێ به‌رپرسێن بلندێن په‌كه‌كێ.
وه‌زاره‌تا ده‌رڤه یا ئه‌مریكا دیار كر كو وان بڕیار دایه بۆ دانا به‌خشیشی بۆ وان كه‌سێن زانیاریان ل دۆر جهێ چه‌ند سه‌ركرده‌كێن په‌كه‌كێ دده‌ن بۆ وێ چه‌ندێ بكه‌نه ئارمانج، ژ وان ژی “موراد قه‌ره‌یلان پێنج ملیۆن دۆلار، جه‌میل بایك چار ملیۆن دۆلار و دوران كالكان ژی سێ ملیۆن دۆلار”.
وه‌زاره‌تا ده‌رڤه یا ئه‌مریكا گۆت ژی:( ل سالا 1997 ئه‌مریكا په‌كه‌كه وه‌ك رێكخراوه‌كا تیرۆرستی ناساند و ل سالا 2011 ژی ئیدارا ئه‌مریكا په‌كه‌كه وه‌ك رێكخراوه‌كا تیرۆرستی یا جیهانی ناساند).
ئه‌ڤ بڕیارا ئه‌مریكا پشتی سه‌ره‌دانا ماسیۆ پالمه‌ر هاریكارێ وه‌زیرێ ده‌رڤه یێ ئه‌مریكا دهێت بۆ ئه‌نقه‌ره و كۆمبوونێن وى ل گه‌ل به‌رپرسێن حوكمه‌تا توركیا.
