سه‌لاحه‌دین بهائه‌دین بۆ ئه‌میندارێ گشتیێ ئێكگرتوو
ئه‌ڤرۆ:
دوهى رۆژا شه‌مبى كۆنگرێ حه‌فتێ یێ ئێكگرتوو ئیسلامى كوردستان ل هه‌ولێر ده‌ست ب كارێن خوه كر و تێدا ئه‌میندارێ وێ حزبێ هاته هه‌لبژارتن.
هه‌ر چه‌نده د گه‌را ئێكێ یا ده‌نگدانێ دا، سه‌لاحه‌دین بهائه‌دین ئه‌میندارێ به‌رى سه‌ركه‌فت، به‌لێ ده‌نگێن پێدڤى نه‌بوون، ژ به‌ر هندێ به‌ر ب گه‌را دویێ یا هه‌لبژارتنان هاته كرن.
د گه‌را دویێ یا هه‌لبژارتنان دا، پشتى محه‌مه‌د ره‌ئوف خوه ڤه‌كێشاى، سه‌لاحه‌دین بهائه‌دین شیا 801 ده‌نگان بینیت و ببیته ئه‌میندارێ گشتى یێ وێ حزبێ به‌رامبه‌ر هه‌ڤركێ وى ئه‌بۆ به‌كر عه‌لى 268 ده‌نگ ئینان.
به‌رچاڤترین گوهۆڕینێن د په‌یره‌وێ ناڤخۆ یێ ئێكگرتوو دا هاتینه كرن، مه‌كته‌با سیاسى و جێگرێن ئه‌میندارێ گشتى نه‌مان.
