ئه‌نجومه‌نا بلند یا ریفراندۆمێ – ریفراندۆم دێ به‌رده‌وام بیت
ئه‌ڤرۆ نیوز ، نه‌وزاد هلۆرى:
كومبوونا ئه‌نجومه‌نا بلند یا ریفراندۆمێ داوى هات و راگه‌هاندنه‌ك ژى به‌لاڤكر و تێدا دوپات دكه‌ت كو ریفراندۆم ناهێته پاشئێخستن و دێ د ده‌مێ خوه دا هێته ئه‌نجامدان ، ئه‌ندامه‌كێ ئه‌وێ ئه‌نجومه‌نێ ژى دیاركرچوو گه‌رنتى و پێگورگ شوونا ریفراندۆمێ نه‌هاتینه‌دان.
ئه‌ڤرۆ ئێڤارى ب سه‌رپه‌رشتیا مه‌سعود بارزانى سه‌رۆكێ هه‌رێما كوردستانێ ئه‌نجومه‌نا بلند یا ریفراندۆمێ ل سه‌لاحه‌دین كومبوو و تێدا دانوستاندن لسه‌ر پێشنیارێن شاندێن وه‌لاتێن زلهێز هاته‌كرن كو به‌رى دوو رۆژان گه‌هاندبوییه مه‌سعود بارزانى سه‌رۆكێ هه‌رێما كوردستانى ، و پشتى داوى هاتنا كومبوونێ ژى ئه‌نجومه‌نا بلند یا ریفراندۆمێ راگه‌هاندنه‌ك به‌لاڤكر و ل گوره‌ى راگه‌هانا وان دوپات ل ئه‌نجامدانا ریفراندۆمێ ل ده‌ما خوه دێ هێته ئه‌نجامدان.
دڤى واریدا ماجد بارزگان ئه‌ندامێ ئه‌نجومه‌نا بلند یا ریفراندۆمێ بۆ ئه‌ڤرۆ نیوز گۆت: ( كومبوونا ئه‌ڤرۆ یا تایبه‌ت بوو لسه‌ر دانوستاندن لسه‌ر پێشنیارا ده‌وله‌تێن زلهێز و ئه‌مریكا ل بارا پاشێخستنا ریفراندۆم و پێشپێشكرنا به‌دیل و پێگوركه‌كێ ل شونا ریفراندۆمێ ، ئه‌ڤرۆ ب سه‌رپه‌رشتیا بارزانى كومبوون لسه‌ر هاته‌كرن و دانوستاندنه‌كا زور ژى لسه‌ر هاته‌كرن ، زێده‌بارى سوپاسیكرنا ئه‌وان وه‌لاتان ژ بو پرۆسه‌یا ریفراندۆمێ و گرنگیدان ب مافێن گه‌لێ كوردستانێ )
زێده‌تر گوت: ( ریفراندۆم تنێ ئامرازه‌كه بو گه‌هشتن ب مافێ بریاردانێ لسه‌ر چاره‌نڤیسێ گه‌لێ ، به‌لێ ل داویێ ژبه‌ركو هه‌تا نها چوو پێگورگ شوونا ریفراندۆمێ نه‌هاتنه پێشكێشكرن كو گه‌رنتیه‌ك تێدا بیت ژبه‌رڤێ دێ پروسه‌یا ریفراندۆمێ یا به‌رده‌وام بیت ، و ئه‌م دێ درێژیێ ب دانوستانان لسه‌ر مافێ بریاردانا چاره‌نڤیساز بو گه‌لێ كوردستانێ به‌رده‌وام بین و دانوستاندن ل گه‌ل جڤاكێ نیڤده‌وله‌تى دێ به‌رده‌وام بیت)
