ئه‌ندامه‌كا ديار يا بزاڤا گۆران ده‌ست ژكاركێشا
ئه‌ڤرۆنيوز:
ئه‌نداما جڤاتا پارێزگه‌ها هه‌ولێرێ ژ بزاڤا گۆران وئه‌نداما ديار يا وێ بزاڤێ ل سنورێ پارێزگه‌ها هه‌ولێرێ، هيڤى هه‌ياڤ، ده‌ست ژ كاركێشا ژ رێزێن بزاڤا گۆران.
درۆهنكرنه‌كێ دا هيڤى هه‌ياڤ ل سه‌ر به‌رپه‌رێ خوه ل تۆرا جڤاكى يا فه‌يسبووكى دبێژيت” ئه‌ز هيڤى هه‌ياڤ به‌كر هه‌لسوراوا به‌رێ يا بزاڤا گۆران وئه‌نداما جڤاتا پارێزگه‌ها هه‌ولێرێ، من چو په‌يوه‌ندى ب بزاڤا گۆران ڤه نه‌مايه”.
گۆت ژى” پشتى ل ده‌مێ بۆرى من باوه‌ريه‌كا ب هێز ب وێ رێبازێ هه‌بوو ومن كاركر بۆ سه‌رخستنا بزاڤا گۆران، به‌لێ پشتى مرنا نه‌وشێروان مسته‌فاى، رێره‌وێ رێبازێ هااته لادان وچ دژايه‌تى نه‌مايه كو ل به‌رامبه‌ر من نه‌كرى”.
دياركر” ژبه‌ر هه‌بوونا بالان ئه‌ز يا به‌رهه‌ڤ نينم ببم سوته‌مه‌نى دناڤبه‌را بالان دا، پێشتر ژى من رێكخه‌رێ گشتى وگه‌له‌ك هه‌لسوراو ئاگه‌هداركرن ژ وێ ره‌وشێ ومن ئاگه‌هداركرن كو دێ من هه‌لويسته‌كێ جدى هه‌بيت”.
