هه‌تا نها چوو قه‌ناعه‌ت ب پێگوركێن پاشئێخستنا ریفراندۆمێ نه‌هاتینه‌كرن

ئه‌ڤرۆ نیوز ، نه‌وزاد هلۆرى:
ئه‌ڤرۆ ل ده‌مژمێر 3:30 ئه‌نجومه‌نا بلند یا ریفراندۆمێ بۆ سه‌ربخوه‌ى یا كوردستانێ ده‌ست ب كومبوونا خوه‌ كر و ئه‌ندامه‌كێ ئه‌وێ ئه‌نجومه‌نێ ژى دیاركر كو هه‌تا نها ئه‌نجومه‌نا بلند یا ریفراندۆمێ چوو قه‌ناعه‌ت ب پێگوركێن ریفراندۆمێ نه‌كرینه‌و ریفراۆندوم دێ د وه‌ختێ خوه‌ دا هێته‌كرن.
ماجد بازرگان ئه‌ندامێ ئه‌نجومه‌نێ بلند یێ ریفراندۆمێ بو ئه‌ڤرۆ نیوز گۆت: ( ب سه‌رپه‌رشتیا مه‌سعود بارزانى سه‌رۆكى َهه‌رێما كوردستانێ ئه‌نجومه‌نا بلند یا ریفراندۆمێ د كومبوونێ دایه‌ و مه‌ دانوستاندن لسه‌ر پێگوركا مه‌ركگورگ كریه‌ و هه‌تا نها چوو قه‌ناعه‌ت پێ نه‌هاتینه‌كرن كو ببیته‌ پێگورك به‌رامبه‌ر پاشئێخستنا ریفراندۆمێ)
زێده‌تر گۆت: ( كومبوون یا به‌رده‌وامه‌ و ئه‌گه‌ر چوو قه‌ناعه‌ت پێ نه‌هاتنه‌كرن دێ ریفراندۆم د وه‌ختێ خوه‌ دا هێته‌كرن و ناهێته‌ پاشئێخستن ، و به‌لێ ئه‌گه‌ر ژلایێ نه‌ته‌وه‌یێن ئێكگرتیێن ئه‌مریكا و به‌ریتانیا و ده‌وله‌تێن دن پێگوركه‌كێ باشتر ژ ریفراندۆمێ هاته‌ دان و وه‌خت ژى دیاركر دێ ریفراندۆم هێته‌ پاشئێخستن ، به‌لى َهه‌تا نها چوو دیار نینه‌)

کۆمێنتا تە