ئه‌ندامه‌كێ ره‌وتێ سه‌درى: تنێ دو رۆژ ژ ژيێ په‌رله‌مانى يێن ماين
ئه‌ڤرۆنيوز:
ئه‌ندامه‌كێ ره‌وتێ سه‌درى دداخۆيانيه‌كێ دا بۆ ئه‌ڤرۆنيوز راگه‌هاند تنێ دو رۆژ ژده‌مێ ته‌شريعى يێ په‌رله‌مانێ عيراقێ يێن ماين ول رۆژا 1/7/2018 ئه‌ندامێن په‌رله‌مانى ێدى نامينن په‌رله‌مانتار.
جه‌واد جبوورى، ئه‌ندامێ ره‌وتێ سه‌درى وئه‌ندامێ به‌رێ يێ په‌رله‌مانێ عيراقێ ژ ره‌وتێ سه‌در زێده‌تر بۆ ئه‌ڤرۆنيوز گۆت”پشتى ئه‌ڤرۆ پێنجشه‌مبى رێژا قانوونى يا ئه‌ندامێن په‌رله‌مانێ عيراقێ دروست نه‌بووى بۆ ئه‌نجامدانا روونشتنا په‌رله‌مانى ل دۆر درێژكرنا ده‌مێ خوه، رۆهن بوو كو رۆژا 30/6/2018 دووماهى رۆژه دده‌مێ ته‌شريعى يێ په‌رله‌مانى دا”.
دياركر ژى” ئه‌و لايه‌ن وكه‌سێن دخواست ده‌مێ په‌رله‌مانى درێژ بكه‌ن، سه‌رپێچيه‌كا دياربوو ل دستوورى”.
بريار بوو ئه‌ڤرۆ پێنجشه‌مبى 28/6/2018 روونشتنه‌كا په‌رله‌مانێ عيراقێ بهێته ئه‌نجامدان ب مه‌ره‌ما درێژكرنا ده‌مێ ته‌شريعى يێ خوه وئه‌نجامدانا راستڤه‌كرنا چارێ ل سه‌ر قانوونا هه‌لبژارتنان.