ئه‌ندامه‌كێ وێ سكالا قانوونى ل سه‌ر جڤاتا پارێزگه‌ها سلێمانيێ تۆماركر
ئه‌ڤرۆ نيوز:
ئه‌كره‌م شه‌ريف جێگرێ به‌رێ يێ سه‌رۆكێ جڤاتا پارێزگه‌ها سلێمانيێ سكالايا قانوونى ل سه‌ر سه‌رۆكاتيا جڤاتێ تۆماركر، پشتى “بێ ره‌زامه‌نديا وى” ده‌ست ژ كاركێشانا وى ژ پۆستێ وى خستيه به‌ر ده‌نگدانێ و په‌سه‌ندكرى.
ئه‌كره‌م شه‌ريف ئه‌ڤرۆ رۆژا سێشه‌مبى د داخۆيانيه‌كێ دا ل به‌ر ده‌رگه‌هێ سلێمانيێ راگه‌هاند كو وى سكالا قانوونى ل سه‌ر سه‌رۆكاتيا جڤاتێ تۆماركريه، چونكو “بێ ره‌زامه‌نديا وى” ده‌ست ژ كاركێشانا وى خستيه به‌ر ده‌نگدانێ.
حه‌فتيا بۆرى ئه‌كره‌م شه‌ريف د چارچۆڤێ كۆموونا جڤاتێ دا بۆ لێكگوهۆڕينا پۆستان د ناڤبه‌را ئێكه‌تى و گۆڕان دا نه‌رازيبوونه‌كا توند ده‌ربڕى، پشتى حزبا وى كه‌سه‌كێ دى ل جهێ وى كانديد كرى بۆ وه‌رگرتنا پۆستێ سه‌رۆكاتيا جڤاتێ، د ده‌مه‌كى دا پێشتر ئه‌و كانديد كربوو، پاشان ژى ب پتريا ده‌نگان ده‌ست ژ كاركێشانا وى خسته به‌ر ده‌نگدانێ و په‌سه‌ندكر.
