ئه‌ندامێن پرۆگرامێ ئه‌ره‌ب ئایدول ب خێرهاتنا په‌روازێ نه‌كر
ئه‌ڤرۆنیۆز، هه‌رهین محه‌مه‌د:
په‌روازحسێن كچا پشكداربوویا وه‌رزێ بورى ل پرۆگرامێ ئه‌ره‌ب ئایدول، هه‌فتیا بوورى دا بریاردا بچیته به‌یرۆتێ بۆ پشته‌ڤانیكرنا كورێ كورد (عمار كوفى) به‌لێ ئه‌ندام وسه‌رپه‌رشتێن به‌رنامێ ئه‌ره‌ب ئایدول، په‌رواز حسێن پشت گۆه هاڤێت و بخێرهاتنا وێ نه‌كر ب ڤێ چه‌ندێ په‌رۆاز گه‌له‌ك ب خه‌م و دلته‌نگ بۆ و ب توره‌ى ڤه ستودیویا به‌رنامه‌ى ده‌ركه‌فت.
لدووڤ ده‌نگ وباسێن گوڤارا (نه‌واعم) یا لوبنانى كو كه‌والیسێن به‌رنامه‌ى هه‌موو ئاماده‌ببون هه‌موو یان باسى هندێ دكر كو هونه‌رمه‌ندا ئیماراتى ئه‌حلام چه‌ند جاران پشته‌ڤانیا خوه بۆ په‌روازێ راگه‌هاند به‌لێ بخێرهاتنا وێ نه‌كر، په‌رواز ب توره‌ى ودلته‌نگى ژ ستودیویا به‌رنامه‌ى ده‌ركه‌ت دچته ژورا تایبه‌تى یا ئه‌حلامێ ل ویرێ بۆ ماوێ 10 ده‌قان پێكڤه ئاخفتن به‌لێ نه‌زانى كا پێكڤه وان چ گۆت پشتى په‌رواز ژ ژورا ئه‌حلامێ ده‌ركه‌فتى هه‌رب توره خه‌مبارى دیاردكر.
دلایه‌كێ دى دا دیداره‌كێ ل گه‌ل مالپه‌رێ ئێم بى سى په‌روازێ باسى نووترین كارێ خوه‌یى هونه‌رى دكه‌ت دبێژیت دهه‌یڤا بهێت دا دێ كلیپه‌كێ درۆست كه‌م هه‌موو دیمه‌نێن وێ دێ بشێوێ كلاسیك بن، په‌روازێ گۆتژى: پشتى محه‌مه‌د عه‌ساف ئه‌ز ب ناڤ وده‌نگترین به‌ژداربوویا ئه‌ره‌ب ئایدولم ب تایبه‌تى ژبه‌ر كو ئه‌ز كوردم هه‌روه‌سا باراپتریا ئاهه‌نگێن من ل وه‌لاتێن عه‌ره‌بى نه.
