ئه‌و قاره‌مانێ كورد یێ ئالایا سپی راكری
ئه‌ڤرۆ نیوز: ڤه‌ده‌ر ره‌شاڤایی:
زه‌لامه‌كێ قه‌هره‌مانێ كورد ژیانا خوه ئێخسته مه‌ترسیێ دا و دناڤ هه‌رێما شه‌ری دا ده‌ركه‌فت و ئالایێ سپی بلندكر بمه‌ره‌ما قورتالكرنا ژیانا كه‌سه‌كێ سڤیل كو ژئالیێ سه‌ربازێن تورك ڤه هاتبوو بریندار كرن.
ئه‌ڤ روودانه ل باژێرێ نوسه‌یبینێ ل باكۆرێ كوردستانێ په‌یدا بوویه، كو بۆ ده‌مێ چارده رۆژان بوو قه‌ده‌غه‌كرنا هاتنوو چوونێ لسه‌ر هاتبوو سه‌پاندن و ب به‌هانا شه‌ركرنا شه‌رڤانێن په‌كه‌كێ باژیێر هه‌می هاتبوو دۆرپێچكرن هه‌ر كه‌سێ ده‌ركه‌فتبا لبن مه‌ترسیا ته‌قه‌كرنێ دابوو.
د ڤی ده‌می دا 9 كورد هاتنه كوشتن و 19 ژی بریندار بوون و ژیانا خه‌لكێ سڤیل یێ د باژێری دا مای وه‌كی دۆژه‌هێ بوو، نه‌دشیان ژ خانیێن خوه بده‌ركه‌ڤن .
ل ده‌ستپێكا ڤێ مه‌هێ خه‌لكێ نوسه‌یبینێ گه‌له‌ك تۆره بوون پشتی ده‌ستهه‌لاتا توركیا ده‌ست ب ئاڤاكرنا دیواره‌كی دناڤبه‌را نوسه‌یبینێ ل باكۆرێ كوردستانێ و قامشلۆ ل رۆژئاڤا كوردستانێ كری، كوردان ئه‌ڤ یه‌ك ب دابه‌شكرنا پتر یا كوردان بناڤكر و چه‌ندین مانگرتنێن ژ خارنێ و خونیشاندان و توندوتیژی لدووڤ خوه ئینان.
پشتی چارده رۆژان كوردان ژ نوو مریێن خوه ڤه‌شارتن.
