ئه‌و كه‌سێن پشته‌ڤانيا هێرشێن ئه‌هواز كرين دێ ب دژوارى هێنه سزادان
ئه‌ڤرۆ نيوز:
عه‌لى خامنه‌يى، رێبه‌رێ بلندێ كۆمارا ئيسلامى يا ئيرانى ته‌كست ل سه‌ر وێ چه‌ندێ كر كو وه‌لاتێ وى دێ ب دژوارى ئه‌وان ترسنووكان سزا ده‌ت يێن ل پشت وێ هێرشا تيرۆرستى كو كريه سه‌ر نمايشا له‌شكرى يا سۆپايێ پاسداران ل باژێرێ ئه‌هواز.
خامنه‌يى ئه‌و گۆتن د چارچۆڤێ ديداره‌كێ دا ل گه‌ل وه‌رزشڤان و ياريكه‌رێن وه‌لاتێ خوه گۆتن كو د ياريا كاسا ئاسيا دا ل جاكارتا يا ئندونسيا مه‌داليا سه‌ركه‌فتنێ ب ده‌ست ڤه ئينا ئاماژه ب وێ چه‌ندێ كر كو ئه‌وێن ل پشت هێرشا ئه‌هواز، ئه‌ون يێن ئه‌مريكا ب به‌رده‌وامى ژ تاوانێن وان ل عيراق و سوريا رزگار دكه‌ت و ژ لايێ ئيمارات و سعوديێ ڤه پشته‌ڤانيێ وه‌ردگرن.
رێبه‌رێ بلندێ كۆمارا ئيسلامى گۆت: “هێرشا ل سه‌ر ئه‌هواز نيشانا پێشكه‌فتنا ئيرانێ يه كو نه‌يار حه‌سيديێ پێ دبه‌ن”.
