ئه‌ڤرۆ ئه‌زموونێن دووماهیا وه‌رزێ ئێكێ دێ هێنه ئه‌نجامدان
ئه‌ڤرۆ، زنار تۆڤی:
ئه‌ڤرۆ 14/12/2022 ئه‌زموونێن دووماهیا وه‌رزێ ئێكێ یێن خولا ئێكێ سالا خواندنێ 2022 – 2023 ل پارێزگه‌ها دهۆكێ دێ هێنه ئه‌نجامدان.
سامان مسته‌فا مه‌حمود، هاریكارێ رێڤه‌به‌رێ گشتی یێ په‌روه‌ردێ ل پارێزگه‌ها دهۆكێ بۆ كاروبارێن ته‌كنیكی بۆ رۆژناما ئه‌ڤرۆ دیار كر، ئه‌ڤرۆ ئه‌زموونێن دووماهیا وه‌رزێ ئێكێ ل هه‌موو قوتابخانێن سه‌ر ب هه‌ر نه‌ه په‌روه‌ردێن ده‌ڤه‌رداریێن سه‌ر ب رێڤه‌به‌ریا گشتی یا په‌روه‌ردێ ڤه دێ هێنه ئه‌نجامدان، ژ پۆلێن چارێ بنه‌ره‌تی هه‌تا پۆلێن 12 ئاماده‌یی، كو سه‌رجه‌مێ وان دبنه 303 هزار و 808 قوتابی و ئه‌زموون دێ ل ده‌مژمێر 8:30 سپێدێ ده‌ستپێكه‌ن.
گۆتژی: “ل پارێزگه‌ها دهۆكێ هزار و 482 قوتابخانه هه‌نه، ژ وان ژی 60 باخچێن زارۆیانه، هزار و 164 قوتابخانێن بنه‌ره‌تن، 258 قوتابخانێن ئاماده‌یی نه، سه‌رجه‌مێ گشتی یێ قوتابیان ل پارێزگه‌ها دهۆكێ 415 هزار و 987 قوتابینه”.
