ئه‌ڤرۆ ئه‌نجامێن ب ده‌ست هژمارتنا ده‌نگان دێ هێنه راگه‌هاندن
ئه‌ڤرۆ نيوز:
ب گۆره‌يى راگه‌هاندنا عيراقێ بڕياره ئه‌ڤرۆ رۆژا چارشه‌مبى 8ى ته‌باخا 2018ێ ئه‌نجامێن دووماهيێ يێن ب ده‌ست هژمارتنا ده‌نگێن هه‌لبژارتنێن جڤاتا نوونه‌رێن عيراقێ ژ لايێ جڤاتا دادوه‌ريا عيراقێ ڤه بهێنه راگه‌هاندن.
ب گۆره‌يى پێشبينيێن هه‌ين، ژبلى هه‌ردو پارێزگه‌هێن ئه‌نبار و سه‌لاحه‌دين، ئه‌نجامێن دووماهيێ يێن ب ده‌ست هژمارتنا ده‌نگێن هه‌لبژارتنان ل چو پارێزگه‌هه‌كێ گوهۆڕينه‌كا وه‌سان نه‌هاتيه كرن كو كارتێكرنێ ل رێژا كورسيان ناكه‌ن
پشتى ب رێڤه‌چوونا هه‌لبژارتنێن جڤاتا نوونه‌رێن عيراقێ ل 12ى گۆلانا 2018ێ ل گه‌له‌ك پارێزگه‌هێن عيراقێ و هه‌رێما كوردستانێ لايه‌نێن سياسى سكالا ل دژى ئه‌نجامێن هه‌لبژارتنان تۆمار كرن و خواست كو ده‌نگ ب ده‌ست بهێنه هژمارتن و جڤاتا نوونه‌ران ژى ب پرانيا ده‌نگان خسته وارێ بجهئينانێ و جڤاتا دادوه‌رى ژى ره‌زامه‌ندى ل سه‌ر ڤێ چه‌ندێ ده‌ربڕى.