كۆمبوونا جڤاتا وه‌زيران ده‌سپێكر
ئەڤرۆ نيوز:
چه‌نده‌كێ به‌رى نوكه كۆمبوونا جڤاتا وه‌زيرێن هه‌رێما كوردستانێ ل هه‌ولێر ده‌سپێكر و ب گۆره‌ى به‌رنامێ كۆمبوونێ بڕياره گه‌نگه‌شێ ل سه‌ر پێنج خالان بكه‌ن.
پێشتر سەرۆکێ ئێکەتیا مامۆستایێن کوردستانێ ئاشکرا کر بوو کو چو پێشنیازێن نوو ئاراستەی حوکمەتێ نەکرینە بۆ زێدەکرنا مووچێ مامۆستایان و ھەیڤا نیسانا بۆری ئه‌وان یاداشتا خوە دایە سەرۆکاتیا جڤاتا وەزیران.
هه‌رديسان دكتور نورى عوسمان، سه‌رۆكێ فه‌رمانگه‌ها هه‌ماهه‌نگى و دووڤچوونێ ل جڤاتا وه‌زيران راگه‌هاند: “كۆمبوونا رۆژا پێنجشه‌مبى 29ى ئيلۆنا 2016ێ يا جڤاتا وه‌زيران چه‌ند ته‌وه‌ران ب خوه ڤه دگريت، گرنگترين ژى “به‌حسكرنا مووچێ هه‌يڤا حه‌فت و هه‌شت يێ مووچه‌خۆران و بابه‌تێ فرۆتنا سه‌ربه‌خۆيا په‌ترۆلا هه‌رێما كوردستانێ يه”.
دا زانين ژى كو بابه‌تێ دامه‌زراندنێ ل كه‌رتێ گشتى حكوومى و مووچێ تۆڕا جڤاكى و خێزان و به‌رنامێ وه‌زاره‌تێن كار و پلاندانان و سندوقا ته‌خمينا نێڤده‌وله‌تى بۆ وێ توێژێ ب گۆره‌ى گۆتنێن نورى عوسمان دێ ته‌وه‌ره‌كێ دى يێ كۆمبوونێ بن.
