ئه‌ڤرۆ رێيا به‌رده‌ره‌ش – پرا حسێنييه دێ هێته ڤه‌كرن
ئه‌ڤرۆ نيوز:
رێكا به‌رده‌ره‌ش – پرا حسێنييه، كو ب رێيا مرنێ دهێته نياسين، برياره ئه‌ڤرۆل هه‌مبه‌ر هاتن و چوونا شوفێران بهێته ڤه‌كرن.
پشتى چه‌ندين روودان ل سه‌ر ڤێ رێكێ دروست بووى، وه‌لاتيان ناڤ لێنان رێكا مرنێ و رێك ب مه‌ره‌ما سه‌خبێريكرنێ هاته گرتن و پشتى رێڤه‌به‌ريا گشتى يا رێك و پر و ئاڤه‌دانكرنێ و نێشته‌جێكرنێ ل پارێزگه‌ها دهۆكێ چاڤدێريا رێكێ كرى و نيشانێن هاتن و چوونێ دانان، بريار هاته دان ئه‌ڤرۆ بهێته ڤه‌كرن.
مه‌عسوم ئيبراهيم رێڤه‌به‌رێ گشتى يێ رێك و پر و ئاڤه‌دانكرنێ و نێشته‌جێكرنێ ل پارێزگه‌ها دهۆكێ بۆ ئه‌ڤرۆ نيوز دياركر كو وان ل سه‌ر ميزانيا رێڤه‌به‌ريا خوه ئه‌و رێك سه‌خبێر كر و ب هاريكاريا هاتن و چوونا دهۆكێ و گۆت: ئه‌ڤ رێكه دێ خزمه‌ته‌كا زور يا وه‌لاتيان كه‌ت.
