ئه‌ڤرۆ سه‌رۆكێ هه‌رێما كوردستانێ دێ سه‌ره‌دانا ئوردن كه‌ت
ئه‌ڤرۆ نيوز:
سه‌رۆكاتيا هه‌رێما كوردستانێ، رادگه‌هينيت كو ئه‌ڤرۆ رۆژا پێنجشه‌مبى رێكه‌فتى 21ى گۆلانا 2015ێ سه‌رۆكێ هه‌رێما كوردستانێ ل سه‌ر داخوازا فه‌رمى يا شاهێ ئوردن دێ سه‌ره‌دانا وى وه‌لاتى كه‌ت، شيره‌تكاره‌ك ژى ئاشكه‌را دكه‌ت كو ئه‌ڤ سه‌ره‌دانه بۆ پێشخستنا په‌يوه‌نديێن هه‌رێم و ئوردنێ يه.
كيفاح مه‌حمود، شيره‌تكارێ راگه‌هاندنێ ل نڤيسينگه‌ها سه‌رۆكێ هه‌رێما كوردستانێ بۆ رۆژناما “الشرق الاوسط” راگه‌هاند: مه‌سعود بارزانى سه‌رۆكێ هه‌رێما كوردستانێ دێ ل سه‌ر داخوازا شاهـ عه‌بدولايێ دويێ، ب سه‌ره‌دانه‌كا فه‌رمى چيته عه‌مانا پايته‌ختێ ئوردن.
ئاماژه ب وێ چه‌ندێ ژى كر كو ئه‌ڤ سه‌ره‌دانه بۆ گه‌نگه‌شا په‌يوه‌نديێن مێژوويى و ناڤخۆ يێن ناڤبه‌را هه‌رێم و ئوردنێ يه، ديسا بارزانى دێ پشكدارى كۆنگره‌كێ مه‌زن يێ ئابوورى بيت كو دێ سه‌ركردێن چه‌ند وه‌لات و كۆمپانيێن مه‌زن پشكداريێ تێدا كه‌ن.
ئه‌و ئێك ژى ئاشكه‌را كر كو سه‌ره‌دانا سه‌رۆكێ هه‌رێما كوردستانێ بۆ ئوردن دێ سێ رۆژان ڤه‌كێشيت و ئه‌و سه‌ره‌دان بۆ هه‌رێمێ ژ روويێ وزێ و ئابوورى ڤه گه‌له‌ك يا گرنگه و ب تايبه‌ت نوكه خودان په‌ترۆل و غازه و ئه‌ڤه ژبلى هاتنا ئه‌و هه‌موو كۆمپانيێن مه‌زن بۆ هه‌رێمێ.
شيره‌تكارێ راگه‌هاندنێ ل سه‌رۆكاتيا هه‌رێما كوردستانێ گۆتژى: “ره‌نگه د پاشه‌رۆژێ دا كوردستان ببيته ده‌ڤه‌ره‌كا په‌ترۆلێ يا مه‌زن و ژ به‌ر هندێ هه‌بوونا سه‌رۆكێ هه‌رێمێ ل عومان بۆ مفا وه‌رگرتنێ ژى ده‌رهاڤێژێن جيهانى ده‌رباره‌يى وزێ”.
