ئه‌ڤرۆ كۆمبوونا گۆپيتكا عه‌ره‌بى ل مسرێ دێ ده‌سپێكه‌ت
ئه‌ڤرۆ نيوز:
ئه‌ڤرۆ ل شه‌رم ئه‌لشێخ ل مسرێ دێ كارێن گۆپيتكا عه‌ره‌بى يا 26 ب پشكداريا 22 وه‌لات و سه‌ركردێن عه‌ره‌بى ده‌سپێكه‌ت و يه‌مه‌ن و پێكئينانا هێزه‌كا هه‌ڤپشكا عه‌ره‌بى دێ ته‌وه‌رێن سه‌ره‌كى يێن كۆمبوونێ بن.
د ڤان روونشتنان دا، يێن كو دێ دو رۆژان ڤه‌كێشيت و مسر سه‌رپه‌رشتيا وێ دكه‌ت، سه‌رۆك و ئه‌مير و مه‌لكێن حه‌فت وه‌لاتان گه‌هشتينه، دێ تێدا پشته‌ڤانيا ده‌سته‌لاتا شه‌رعى يا يه‌مه‌ن ب سه‌رۆكاتيا عه‌بدره‌به مه‌نسۆر هادى، سه‌رۆكێ يه‌مه‌ن و هێرشێن ئه‌سمانى يێن سه‌ر حوسيان گه‌نگه‌شه كه‌ن.
ديسا پێكئينانا هێزه‌كا هه‌ڤپشكا عه‌ره‌بى دێ ته‌وه‌ره‌كێ دى يێ دانوستاندنێن گۆپيتكا عه‌ره‌بى بيت ژ به‌ر وان ده‌ستدرێژيێن ژ لايێ رێكخراوێن تيرۆرستى ڤه دهێنه كرن ب تايبه‌ت ئێكا وه‌كو داعش كو ده‌سته‌لاته‌كا به‌رفره‌هـ ل عيراق و سوريا گرتيه ده‌ست.
نوكه وه‌لاتێ سوريا پشكداريا خوه د گۆپيتكا عه‌ره‌بى دا يا هه‌لپساردى ل سه‌ر داخوازا كۆمكارا وه‌لاتێن عه‌ره‌بى.
