ڤيديۆ: ئه‌ڤرۆ ل ڤان ده‌ڤه‌ران جهێن داعش هاتنه بۆردۆمانكرن
ئه‌ڤرۆ نيوز، ئومێد وەڵاتی:
ئەڤرۆ رێکەفتێ ٢٠١٦/٨/١٠ ل میحوەرێ رۆژئاڤایێ دیجلە ژ لایێ تۆپخانەیێن فەرماندەییا ھێزێن پشتەڤانی ئێک یا لەشکرێ کوردستانێ چەندین جھێن تیرۆرستێن داعش ھاتینە تۆپبارانکرن.
مقدم محسن ستۆنی ئەفسەر ل فەرماندەییا ھێزێن پشتڤانیا ئێک بۆ مالپەرێ ئەڤرۆ نیوز دا دیارکرن کۆ ل ئێڤاریا رۆژا چارشه‌مبیا ٢٠١٦/٨/٩ ب چەکێ گران و گۆت: “مە جھێن تیرۆرستێن داعش ل سنورێ میحوەرێ رۆژئاڤایێ دیجلە ل (ناحیا عیاچیە و گۆندێ فقە) تۆپبارانکرن و چەندین زیانێن گیانی و مادی گەھشتە چەکدارێن تیرۆرستێن داعش”.
ھەر ل دووڤ ھندەک ژێدەرێن پێشمەرگەی ئەو جھێن ئەڤرۆ ژ لایێ تۆپخانەیا فەرماندەییا ھێزێن پشتەڤانیا ئێک ڤە ھاتینە تۆپبارانکرن ژ وێرێ تیرۆرستێن داعش سەنگەرێن پێشمەرگەی دکرنە ئارمانج ، ژ بەر ھندێ ب ڤێ رێيا وان ڤیایە ب چەکێ گران جھێن وان بێھنە تۆپبارانکرن، ژ بەر کو دا چ زیان نەگەھنە ھێزێن پێشمەرگەی.
