ئه‌ڤرۆ مووچێ ڤان وه‌زاره‌ت و ده‌سته‌يان دێ هێته دان
ئه‌ڤرۆ نيوز:
ژێده‌ره‌كێ ئاگه‌هدار ژ گه‌نجينا پارێزگه‌ها دهۆكێ بۆ ئه‌ڤرۆ نيوز دياركر كو ئه‌ڤرۆ ل هه‌رێما كوردستانێ دێ مووچێ چه‌ند ده‌سته و چه‌ند وه‌زاره‌تان هێته دان.
ئه‌ڤى ژێده‌رى گۆت: “ئه‌ڤرۆ رۆژا پێنجشه‌مبى 12-2-2015 مووچێ هه‌يڤا 12 يێ سالا بۆرى يێ فه‌رمانبه‌رێن ده‌سته‌يا ژينگه‌هێ و ده‌سته‌يا مافێن مرۆڤى و ده‌سپاكى و چاڤێدريا دارايى و ده‌زگايێ مين هێنه به‌لاڤكرن”.
ده‌رباره‌يى مووچێن وه‌زاره‌تان ژى گۆت: “ئه‌ڤرۆ بڕياره ژى فه‌رمانبه‌رێن وه‌زاره‌تێن ژێده‌رێن سرۆشتى و داد و پلاندانانێ بهێنه به‌لاڤكرن”.
ئاماژه ب وێ چه‌ندێ ژى كر كو ب به‌لاڤكرنا ڤان مووچان، مووچێن فه‌رمانبه‌ران ب دووماهى ناهێن و حه‌فتيا بهێت دێ به‌رده‌وامى هه‌بيت.
