ئه‌ڤرۆ نيوز ئه‌نجامێن كۆنگرێ ئێكه‌تيا زانايێن ئاينێ ئيسلامێ ل كوردستانێ به‌لاڤ دكه‌ت
ئه‌ڤرۆ نيوز:
سپێده‌هيا ئه‌ڤرۆ كۆنگرێ شه‌شێ يێ ئێكه‌تيا زانايێن ئاينى ئيسلامى كوردستان ب دووماهى هات و دكتور عه‌بدولا سه‌عيد وه‌يسى ب سه‌رۆكێ ئێكه‌تيێ هه‌لبژارت.
ب گۆره‌يى پێزانينان د هه‌لبژارتنێن سه‌ركرداتيا جڤاتا ناڤه‌ندى يا ئێكه‌تيا زانايان دا ژ سه‌رجه‌مێ 31 ئه‌ندامێن بنه‌ره‌ت، پارتى 22 ئه‌ندام ل كۆنگره‌يى ب سه‌ركه‌فتن و ئێكگرتوو چار ئه‌ندام و ئێكه‌تيێ سێ ئه‌ندام و كۆمه‌لێ دو ئه‌ندام. هه‌روه‌سا د سه‌رجه‌مێ هه‌ست كه‌سێن يه‌ده‌گ سێ پارتى و سێ ئێكه‌تێ و ئێكگرتوو دو ئه‌ندام.
ب گۆره‌يى پێزانيان ژ سه‌رجه‌مێ 260 ده‌نگێن كۆنگره‌يى، دكتور عه‌بدولا سه‌عيد وه‌يسى، سه‌رۆكێ به‌رێ يێ ئێكه‌تيا زانايێن ئاينێ ئيسلامێ ل كوردستانێ، باوه‌ريا 178 ئه‌ندامێن كۆنگره‌يى ب ده‌ست ڤه ئينا و جاره‌كا دى ب سه‌رۆكێ ئێكه‌تيێ هاته هه‌لبژارتن.
دوهى 25ى تيرمه‌ها 2018ێ ب پشكداريا نێچيرڤان بارزانى سه‌رۆكێ حوكمه‌تا هه‌رێما كوردستانێ و ژماره‌ك ژ وه‌زير و نوونه‌رێن لايه‌نێن سياسى، كۆنگرێ شه‌شێ يێ ئێكه‌تيا زانايێن ئاينێ ئيسلامى ل كوردستانێ ل هه‌ولێر ده‌ستپێكر.