ئه‌ڤرۆ نيوز بهايێ گرێبه‌سێن ئه‌ڤ ساله يێن پێنج يانێن كوردستانێ ئاشكه‌را دكه‌ت
وەسا دھاتە پێشبینیکرن ل وەرزێ ئەڤ سالە چو یانەک ھەڤبەستێن مەزن پێشکێشی یاریکەران ناکەت ل ھەرێما کوردستانێ و مێرکاتویێ عیراقێ دێ سستیەکێ بخوڤە بینیت ژلایێ ھەڤبەستان ڤە، لێ بتنێ ل ھندەک یانان وەسابوویە و یانا زاخو بەرۆڤاژی ھەر سالەکا دی لڤی وەرزی ھەڤبەستێن مەزن داینە یاریکەرێن خوە بو وێ چەندێ یاریگەھا خوە یا نوی ب ناسناڤەکی پیرۆزبکەت و ژلایەکێ دووڤە جەمسەرا تەپا پێی یا پارێزگەھێ یانا دھۆک کو ل ھەر سال یاریکەران خوەن ب ھەڤبەستێن ڤێ یانێ ڤە ددیتن ل وەرزێ ئەڤ سالە ھەڤبەستێن وان د نورمالن و گرانترین ھەڤبەست ژ ١٢٠ ملیون دیناران نەبوری یە و دووڤدا یانا قەلا و منارە ھەولێر بو ڤی وەرزی پشتبەستنەکا مەزن ل سەر یاریکەرێن کورد کریە و گرانترین ھەڤبەستا وان ٧٠ ملیون دینارن و قارەمان سێ وەرزێن لدووڤ ئێک یێن کوردستانێ زێرەڤانیێ ھەڤبەستێن مەزن داینە یاریکەران بو خولا کوردستانێ بو وێ چەندێ ناسناڤێ چارێ ژی ل گەنجینا خوە زێدە بکەت و لدووماھیێ یانا گارە کو ئێکەم وەرزە ھەڤبەستا ددەتە یاریکەرێن خوە ئەو ژی ب شیوێ مووچێ ھەیڤانە بتنێ یاریکەرەکێ پیشەکار خودان ھەڤبەستە و گرانترین ھەڤبەست ل یانا گارە ٢٥ ملیون دینارن کو ل چاڤ یانێن دی گەلەک کوژمەکێ کێمە.
لدور ھەڤبەستێن یانێن پارێزگەھا دھۆکێ کو پێک دھێن ژ یانێن دھۆک، زاخۆ، زێرەڤانی و گارە و ھەروەسا یانا ھەولێر رۆژناما ئەڤرۆ شیایە ھەڤبەستا زوربەیا یاریکەرێن ڤان یانا ب دەستخوڤە بینیت و بو ھەمی خواندەڤانا دیاربکەت.
ھەڤبەستێن یانا دھۆک لسەر چەندین ئاستا ھاتینە پارڤەکرن و گرانترین یاریکەر ل یانا دھۆک بو ڤی وەرزی بەیار ئەبوبەکر دھێت کو ھەڤبەستا وی ١٢٠ ملیون دینارن و ل ئاستێ دویێ ھەر ئێک ژ کاپتنێ یانێ خالد مشیر و ئاماد ئسماعیل ٦٥ ملیون دینار و دووڤدا گولچیێ تیمێ کاوە دینو ب ٥٥ ملیون دینارا و ھەر ئێک ژ ئەحمەد جاسم، وەلید سەلمان، جاسم سلێمان، محەمەد حەمەد، کامیران خالد، زنار فەیزی، حاتم عەلی و ئەحمەد مەئموون ب ٤٥ ملیون دیناران و ھەڤبەستا یاریکەر دلوڤان سالح ب ٤٠ ملیون دیناران و ھەر ئێک ژ یادگار یونس، موحەمەد زوھێر، ئوسامە محەمەد سەلیم، عامر فازل، خالد موسا و شێرزاد ئەحمەد ھەڤبەستێن وان ٣٥ ملیون دینارن و ھەڤبەستا یاریکەرێن پیشەکار بڤی شیوەی نە یێ کرواتی لیک جیتەر و یێ نێجیری وەحید ئوزینی ھەر ئێک ژ وان ب ٥٥ ھزار دولاران و ل گەل مووچەکێ ھەڤیانە و یێ مەغربی عەدنان موستەتاف ب ٣٨ ھزار دولاران و ل گەل مووچەکێ ھەیڤانە و بتنێ بو ماوێ پێنج ھەیڤان و کێمترین ھەڤبەست ل یانا دھۆک ھەڤبەستا گولچیێ سیێ یێ یانێ ئازاد محیەددین کو ئەوژی ٢٢ ملیون دینارن.
کارگێریا یانا زاخۆ بو ڤی وەرزی ھەڤبەستێن گرانبھا پێشکێشی یاریکەران کرینە و چاڤێ وان ل ئەنجامێن باشە و یاریگەھا خوە ب ناسناڤەکی پیرۆزبکەن و ھەڤبەستێن وان بڤی شێوەی نە، گولچیێن تیمێ محەمەد حەمید ٢٥٠ ملیون و عەلی دبس ٩٠ ملیون و دلوڤان مەھدی ٧٥ ملیون. ھەروەسا یاریکەر ئەمیر سەباح ٢٠٠ ملیون، سەفا جەبار ١٨٠ ملیون، کاپتنێ تیمێ جاسم حاجی ١٢٠ ملیون، ستار یاسین ١١٠ ملیون، ھونەر ئەحمەد ١١٠ ملیون، عەباس رحێمە ١٢٠ ملیون، خەلدون ئیبراھیم ١٢٠ ملیون، عەلی سەعەد ١١٥ ملیون، فەرحان شکور ١٥٠ ملیون، دیار یاخی ١١٥ ملیون، عباس قاسم ١٧٠ ملیون، کەریم دەلی ١١٠ ملیون، عەلا خەمیس و موستەفا عەبدولجەلیل ھەر ئێک ژ وان ٣٥ ملیون و یاریکەرێن باژێرێ زاخو بڤی شێوەی نە رێبەر ئسماعیل ٥٥ ملیون و ھەر ئێک ژ حەمید ئسماعیل و رزگار محەمەد و عومەر بیبو ب ٣٥ ملیون دیناران ھەڤبەستا خوە ئیمزاکریە و ھەر سێ یاریکەرێن پیشەکار پێکڤە ب ھەڤبەستێن وان دبنە ٥٠٠ ھزار دولاران.
ژلایەکێ دووڤە ھەڤبەستێن یانا ھەولێر بڤی شێوەیێ خوارێ نە ل سەر چەند ئاستان ھاتینە بەلاڤکرن، ئاستێ ئێکێ ھەر ئێک ژ سەرھەنگ موحسن و ھەردی سیامەند، میران خەسرۆ و کوسرەت بایز و محەمەد جەفال و بورھان جومعە ھەر ئێک ژ وان ب ٧٠ ملیون دیناران ھەڤبەستا خوە ئیمزاکریە و کێمتر ژ وان ھەر ئێک ژ دیار رەحمان و بارزان شێرزاد ب ٥٥ ملیون دیناران ھەڤبەستا خوە ئیمزاکریە و ھەروەسا ھەر ئێک ژ رامیار ئازاد و گولچیێ تیمێ دلێر حاتەم ب ٥٠ ملیون دیناران، ھەوروەسا ھەر ئێک ژ حەمە رەش و دلدار خالد و نیاز محەمەد ب ٤٠ ملیون دینار و ل ئاستێ دووڤدا ئیڤان خالد و رێکار ھاشم ب ٣٥ ملیون دیناران و گولچیێ سیێ رێباز خالد ب ٣٠ ملیون دیناران و کێمترین ھەڤبەستێن وان ھەر ئێک ژ نیاز مەغدید و رابەر خالد و سالح ماریو ب ٢٠ ملیون دیناران و ھەر دو پیشەکارێن سوری ھەر ئێک ژ وان ب ٤٠ ھزار دولاران و یێ کوتیڤواری ئەلیکس ئەگی ب ١٥ ھزار دولاران و نەدیم کەریم مووچەکێ ھەڤیانە کو ٢ ملیون دینارن.
ھەروەسا یانا زێرەڤانی ژی بەھرا خوە ھەبوویە د ئیمزاکرنا ھەڤبەستێن گران و چەند ھەڤبەستێن خوە نووکرینە و ھندەک ژی ئیمزاکرینە و بڤی شێوەی.
بیلال سالح ٥٥ ملیون کو دبیتە گرانترین یاریکەرێ یانێ و ھەروەسا ھەر ئێک ژ ئاراز کەلاری و نێچیرڤان شوکری ب ٤٥ ملیون دیناران و کاپتنێ تیمێ ئاری شەفیق ب ٣٦ ملیون دیناران و راکان عەبدولقادر ب ٣٥ ملیونان و ھەر دو گولچیان زوھێر عەبدولجەمال ب ٣٨ ملیون دیناران و دلشاد فەواز ب ٢٩ ملیون دیناران مورکریە و یاریکەرێ ھێلا ناڤین زێرەڤان خەلیل ب ٢٨ ملیونان و بێوار حەسەن ب ٣٣ ملوین دیناران و ھێرشبەرێ گەنج بژار حەبیب ب ١٨ ملیونان و نێچیرڤان سالح ب ١٦ ملیونان و محەمەد سەدیق ب ١٥ ملیونان و ھەر ئێک ژ جیھاد محسن و جواد ئەحمەد ب ١٢ ملیون دیناران ھەڤبەستێن خوە ئیمزاکرینە و پێزانین لدور یاریکەرێن پیشەکار و یاریکەر موراد گەردی بدەست مە نەکەفتن و یاریکەرین ھاتینە سەرخستن ھەمی ب مووچە یاریێ دکەن.
لدووماھیێ یانا گارە ئەوژی بتنێ ئێک ھەڤبەست ھەیە یا پیشەکارێ کوتیڤواری کو ب کوژمێ ٢٠ ھزار دولاران ئیمزاکریە و یێن دی مووچەنە و بڤی شێوەی ھەر دو گولچی رێباز یونس ملیونەک و حەفت سەدو پێنجی ھزار دینار و ھەوار خزر ملیونەک و عەبدوللا زکری ٧٥٠ ھزار و ھەر ئێک ژ عەلی نوری، رافع خەلەف و عودەی شەھاب ملیونەک و حەفت سەد ھزار و ھەروەسا ھەر ئێک ژ جەمال سلێمان، کوڤان حەسەن، عامر ئسماعیل، خسرۆ محەمەد، ئالان محسن، ھەوار حەسەن، ھوزەڤان زاھد، ئومێد ئەحمەد و نیوار سەردار موچێ وان ئێک ملیون دینارە و ھەر ئێک ژ جەگەر مشەختی و محەمەد ئسماعیل حەفت سەد و پێنجی ھزارن و یێن ژ نوی سەرخخستینە ل گەل تیمێ موچێ وان پێنج سەد دیناران کێمترە.
ب ڤان ھەڤبەستان رێزبەندیا ھەر پێنج یانا ب ڤی شێوەیە:
بھایێ ھەڤبەستێن زاخو نێزیکی ٢ ملیار و ٨٧٥ ملیون دینارێن عیراقی نە.
ل رێزا دویێ یانا ھەولێر دھێت نێزیکی ملیارەک و ١١٦ ملیون دیناران.
دھۆک ل رێزا سیێ دھێت و ھەڤبەستێن وان نێزیکی ٩٣٧ ملیون دینارانە.
ل رێزا چارێ قارەمانا سێ وەرزا زێرەڤانی نێزیکی ٤١٦ ملیون دیناران، زێدەباری ھەڤبەستێن پیشەکارێن وێ و موچێن ھندەک یاریکەران و ھەڤبەستا یاریکەر موراد گەردی.
گارە ل رێزا دووماھیێ دھێت کو موچێن وان یێ ھەیڤانە دبنە ٢٥ ملیون دینار و بتنێ ئێک ھەڤبەست ھەیە ئەوژی ٢٠ ھزار دولارن.
