ئه‌ڤرۆ نيوز رێژا ژدايكبوون و گيان ژ ده‌ست دانێ يا سالا بۆرى ل پارێزگه‌ها دهۆكێ به‌لاڤ دكه‌ت

ئەڤرۆ نیوز، لەزگین جۆقی:

د پرێس کونفرانسەکى دا ل 30/1/2017 رێڤەبەریا گشتيا ساخلەمیا پارێزگه‌ها دھۆکێ ئامارێن سالا بۆری راگەھاندن كو تێدا ئاشكه‌را كريه‌ ل سالا بۆرى 57 هزار و 738 زارۆ ژ دایک بووینە و پێنج هزار و 800 وەلاتیان گیانی خوە ژ دەست دایە.

محه‌مه‌د سالح،  رێڤەبەرێ کاروبارێن تەکنیکێ ل رێڤەبەریا گشتیا ساخلەمیێ ل پارێزگەھا دھۆکێ د پرێس کونفرانسەکى دا  دیارکر  سەنتەرێ 122 ل پارێزگەھا دھۆکێ 114هزار و 627 کەس چارەسەرکرینە و 710هزار و 228 نشتەگەریێن ھەمەجۆر بۆ وەلاتیان یێن ل دەزگەھێن ساخلەمیێ ھاتینە ئەنجامدان 299 نشتەگەریێن دلێ ھاتینە کرن د گەل هزار و 481 قەستەرێن دلێ”

خۆیا ژی کر  ل پارێزگەھا دھۆکێ هزار و 353 حالەتێن نەخۆشیا ته‌لاسیمیا ھاتینە تومارکرن و هزار و 117 کەسین خوجھی دھۆکێ تووشی نەخۆشیا ته‌لاسیمیا بووینە و چارەسەریا دەروونی بۆ دو هزار و 381 کەسان ھاتینە کرن ل پارێزگەھا دھۆکێ 86 کەس تووشی نەخۆشیا ئوتێزمێ بووینە ل نەخۆشخانێن دھۆکێ 209 هزار و 36 وەلاتی ھاتینە نڤاندن و چار مليۆن و 617 هزار و 710 وەلاتیان سەرەدانا دەزگەھێن ساخلەمیێ کرینە.

د. سیروان رێڤەبەرێ کاروبارێن خوەپاراستنا ساخلەمیێ ل رێڤەبەریا گشتیی ساخلەمیا دھۆکێ دیارکر سالا بۆری 59 هزار و 82 سەرەدان یێن ھاتینە کرن دو هزار و 129 جهـ یێن ھاتینە ئاگەھدارکرن و301 جە یێن ھاتینە گرتن 215 تەنین کەرەستێن خۆارنی و ڤەخۆارنی ھاتێنە ژناڤبرن و ل خالا سنۆری ئیبراھیم خەلیل چار هزار و 189 تەن ھاتینە زڤراندن بۆ جھی ژێ ھاتین چونکو دووڤ سالوخەتین عيراقی نەبووینە و ل خالا سنۆری ئالوکا ژی 104 تەن ھاتینە زڤراندن.

د. سیروان گۆت: ل پارێزگەھا دھۆکی 183 کەس تووشی نەخۆشیا ئێشا زراڤ بووینە و سێ وەلاتی تووشی ئیشا سورکا بووینە سالا بۆری و چو کەس تووشی نەخۆشیا ڤالنجا زارۆکان نەبووینە و 94% زارۆ ھاتینە ڤاکسیندان دژی ئیشا زراڤ .

کۆمێنتا تە